Քաղաքական09:11, 30 Հոկտեմբեր 2015
Հայազգի պատգամավորի պնդմամբ` «Քամփ Արմեն»-ի հարցով զբաղվել է անձամբ Դավութօղլուն
Օրեր առաջ հայտնի դարձավ, որ Ստամբուլի Թուզլա շրջանում գտնվող հայ որբերի ամառային ճամբարը վերադարձվել է հայկական համայնքին: «Քամփ Արմեն» անունով հայտնի շինությունը, որը ժամանակին եղել է չքավոր ու որբ հայ երեխաների ամառային ճամբարը, ապօրինաբար խլվել էր հայ համայնքի ձեռքից:
Ճամբարի վերադարձի վերաբերյալ հայտարարությամբ է հանդես եկել Թուրքիայում հայտնի հայազգի լրագրող-գրող, իշխանական «Արդարություն և զարգացում» (ԱԶԿ-AKP) կուսակցության կողմից առաջադրված պատգամավոր Մարգար Եսայանը:
Եսայանը, ով մինչ այս էլ հայտնի էր իր իշխանամետ հայտարարություններով, ասել է, որ «Քամփ Արմեն»-ի վերադարձի խնդրով զբաղվել է անձամբ վարչապետ Ահմեթ Դավութօղլուն: Եսայանը պնդել է, որ ճամբարը վերադարձվել է Դավութօղլուի` շինության ներկայիս սեփականատեր Ֆաթիհ Ուլուսոյի հետ տարած բանակցությունների արդյունքում:
Հիշեցնենք, որ 8.552 քմ տարածք զբաղեցնող «Քամփ Արմենը» 1961 թվականին գնվել էՀայ բողոքական եկեղեցու հիմնադրամի կողմից և ծառայել է որպես ամառային ճամբար` Գեդիկփաշայի հայկական դպրոցի չքավոր ու որբ սաների համար: Այնտեղ են մեծացել Հրանտ Դինքը և նրա կինը՝ Ռաքել Դինքը: Հետագայում ճամբարը թուրքականիշխանությունների կողմից ապօրինաբար խլվել է հայ համայնքից:
2015 մայիսի 6-ի ճամբարի ներկայիս սեփականատիրոջ նախաձեռնությամբ սկսվել էր ճամբար-մանկատան ապամոնտաժումը, սակայն կարճ ժամանակ անց Թուրքիայի հայկական համայնքի սկսած բողոքի լայնածավալ միջոցառումների շնորհիվ շինության ապամոնտաժումը ժամանակավորապես հնարավոր եղավ դադարեցնել: Հոկտեմբերի 27-ին, երբ ճամբարը վերադարձվեց հայ համայնքին, լրացավ ապամոնտաժումը թույլ չտալու նպատակով «Քամփ Արմեն»-ում սկսված հերթապահության 175-րդ օրը:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Պաշտոնական Անկարան դա որակել է որպես անընդունելի զարգացում։
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |