Քաղաքական11:45, 02 Նոյեմբեր 2015
Die Welt. «Թուրքիային պետք է ցավակցել այս սև օրվա առթիվ»
Թուրքիայում նոյեմբերի 1-ին անցկացված խորհրդարանական ընտրությունների արդյունքները լայնորեն մեկնաբանվել են գերմանական մամուլում: «Deutsche Welle»-ի թուրքական ծառայության համաձայն՝ գերմանական լրատվամիջոցները մասնավորապես հետևյալ մեկնաբանություններն են արել.
Die Welt. «Ցանկալի կլիներ, որ Թուրքիայում գոնե մի փոքր ժողովրդավարություն լիներ: Այդ դեպքում կարելի կլիներ շնորհավորել պահպանողական–իսլամիստԱԶԿ-ին (Արդարություն և զարգացում կուսակցություն)՝ հաղթանակի առթիվ: Եթե երկրում ժողովրդավարություն լիներ, երկրի նախագահը այսչափ չէր խախտի իր սահմանադրական իրավունքները և մեդիայի մեծ մասին չէր դարձնի իշխող կուսակցության քարոզչության միջոց: Այդ պատճառով այս սև օրվա առթիվ անհրաժեշտ է ցավակցություններ հղել Թուրքիային»:
Süddeutsche Zeitung–ը քննադատում է թուրքական ընդդիմադիր կուսակցություններին, որոնք չկարողացան ընտրողներին որևէ հեռանկարային այլընտրանք առաջարկել. «ԱԶԿ-ն կարողանում է իր վրա կենտրոնացնել Եվրոպայի ուշադրությունը՝ որպես ճնշում գործադրելու միջոց օգտագործելով 2 միլիոնից ավելի փախստականներին: Չնայած դրան՝ ընտրազանգվածի մեծ մասը երկիրը հանձնում ԱԶԿ-ի իշխանությանը: Սա չի նշանակում, թե ընտրողների հետ ինչ-որ բան այն չէ: Սա նշանակում է, որ ընդդիմության հետ ինչ-որ բան այն չէ», -գրում է թերթը:
Frankfurter Allgemeine Zeitung-ը համոզված է, որ ԱԶԿ-ի ներսում ոչ ոք ի վիճակի չէ միայնակ դեմ դուրս գալ Էրդողանին: «Սակայն նախագահ Աբդուլլահ Գյուլի ու Էրդողանի նախկին խորհրդական Բյուլենթ Արընչի ղեկավարած մի խումբ կարող էր նման պայքարի մեջ մտնել: Եթե չհամարձակվեն, ԱԶԿ-ն կարող է ոգևորվել իր ստացած ավելի մեծ իշխանությամբ և ի վերջո թշվառ վիճակում հայտնվել»:
Nürnberger Zeitung. «Թուրքիան իր սահմանները բաց պահեց ոչ միայն Սիրիայից, այլև Պակիստանից, Աֆղանստանից, Բանգլադեշից եկող փախստականների համար: Իսկ հիմա Էրդողանը կարող է կրկին փակել իր սահմանները: Դա զգացել էր նաև կանցլեր Անգելա Մերկելը, երբ երկու շաբաթ առաջ Ստամբուլում հանդիպել էր Էրդողանի հետ»:
Այս ենթաբաժնի վերջին նորությունները
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Այս մասին համապատասխան հուշագիրը ստորագրվել է երկու կողմերի առողջապահական գերատեսչությունների ղեկավարների միջև:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միջազգային ռազմավարական հետազոտությունների ինստիտուտը հրապարակել է բազմաքանակ զինծառայողներով բանակ ունեցող երկրների անունները:
Ջևդեթ Յըլմազը խոսել է նաև Թուրքիայի վրա ԱՄՆ մաքսատուրքերի ունեցած ազդեցությունից։
Մասնակցություն կունենա G20-ի, ԱՄՀ-ի և ՀԲ-ի շրջանակներում տեղի ունեցող հանդիպումներին։
Թուրքիայի էներգետիկայի և բնական ռեսուրսների նախարարի խոսքով՝ Սաքարյայի գազի ավազանում տարվող աշխատանքների առաջին փուլն ավարտված է:
Հոգևորականը կոչ է արել պայքարել թուրքերին Կիպրոսից վտարելու և հայրենիքը փրկելու համար։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |