Քաղաքական08:22, 03 Նոյեմբեր 2015
Հայ դիտորդները խտրական վերաբերմունքի են արժանացել Թուրքիայում
Նոյեմբերի 1-ին Թուրքիայում կայացած արտահերթ խորհրդարանական ընտրություններին մասնակցել են նաև միջազգային դիտորդներ: «Evrensel.net»-ի տեղեկացմամբ՝ դիտորդների թվում եղել է նաև Եվրոպայի հայկական ֆեդերացիայի կողմից ուղարկված երեք հոգանոց պատվիրակությունը: Թուրքիայի քրդամետ ընդդիմադիր «Ժողովուրդների դեմոկրատական» կուսակցության (ԺԴԿ-HDP) հրավերով միջազգային դիտորդները ԺԴԿ-ի նահանգային կազմակերպության շենքում հավաքվել և ներկայացրել են իրենց դիտարկումները:
Հայ դիտորդները պատմել են, որ իրենք շրջել են Ստամբուլի Էսենյուրթ թաղամասի 10 դպրոցներում, որտեղ ընտրություններ են ընթացել: Էսենյուրթի Իբրահիմ Օզայդըն տարրական դպրոցում ոստիկանությունը շուրջ 45 րոպե նրանց թույլ չի տվել ներս մտնել, ստուգել են նրանց անձնագրերը, իսկ ոստիկաններից մեկը հարցրել է.«Էս հայերն էստեղ ի՞նչ գործ ունեն»:
Նույն վերաբերմունքին են հայ դիտորդներն արժանացել նաև «18-րդ դարի» դպրոցում: Դիտորդներին շրջապատած ոստիկանները կրկին ստուգել են նրանց փաստաթղթերը, իսկ երբ պատվիրակության անդամները ներկայացել են, ոստիկաններն ասել են. «Հա, հա, հասկացա՝ հայ եք, հայ»:
Դիտորդները նշել են, որ նման վերաբերմունքը պայմանավորված է այն հանգամանքով, որ Թուրքիայում օտարազգի դիտորդների իրավունքներն օրենքով հստակ ամրագրված չեն: Դիտորդները պատմել են նաև, որ որոշ դպրոցներում հանդիպել են իշխող «Արդարություն և զարգացում» կուսակցության (ԱԶԿ-AKP) կրծքանշանները կրող մարդկանց, որոնք հաճախակի միջամտել են քաղաքացիների ընտրությանը: Իսկ տարեց և հիվանդ քուրդ ընտրողները, ըստ դիտորդների, համապատասխան օգնություն չեն ստացել ընտրատեղամասերի աշխատակիցների կողմից:
Իրենց դիտարկումներն են ներկայացրել նաև Ֆրանսիայի, Սերբիայի, Հունգարիայի դիտորդական պատվիրակությունները, որոնք ևս ոստիկանների կողմից ճնշման և ստուգումների են ենթարկվել: Իսկ Թուրքիա մեկնած Հունաստանի պատվիրակության անդամները ձերբակալվել և արտաքսվել են երկրից:
Այս ենթաբաժնի վերջին նորությունները
Գյուրբյուզ Չափանը անդրադարձել է հայ-թուրքական կարգավորման գործընթացին, պատմել Տեր-Պետրոսյանի հետ հանդիպման, Գորշ գայլերի առաջնորդի կողմից աջակցություն ստանալու և ցեղասպան հորեղբոր մասին։
Համաձայնագրերի ստորագրման արարողությունը կայացել է նախագահական պալատում։
Այցը ծրագրվում է 2025-ին։ Այն իրականացվելու է քրիստոնեական եկեղեցու առաջին տիեզերական ժողովի 1700-ամյակը նշելու համար։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Պաշտոնական Անկարան դա որակել է որպես անընդունելի զարգացում։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |