Հոդված09:07, 04 Նոյեմբեր 2015
Milliyet. ԱԶԿ-ն հակված է արտաքին քաղաքականությունը շարունակել նախկին չափորոշիչներով
Թուրք վերլուծաբան Սամի Քոհենն անդրադարձել է նոյեմբերի 1-ին խորհրդարանական ընտրություններից հետո արտաքին քաղաքականության մեջ հավանական փոփոխությունների թեմային: «Milliyet» թերթում հրապարակված «Ինչպե՞ս կազդեն ընտրութունների արդյունքները արտաքին քաղաքականության վրա» հոդվածում Քոհենը գրում է, որ երբ իշխող կուսակցությունը խորհրդարանական ընտրություններից հետո պահպանում է իշխանությունը, ապա ենթադրելի է, որ նոր կառավարությունը կշարունակի իր նախկին քաղաքականությունը: Հետևաբար նույնը կարելի է ասել Թուրքիայի մասին, որտեղ իշխող «Արդարություն և զարգացում» կուսակցությունը (AKP-ԱԶԿ) փաստորեն կարողացել է նորից պահպանել իր իշխող դիրքերը:
Քոհենի համոզմամբ՝ վերջին տարիներին ԱԶԿ-ն ակտիվ և սկզբունքային արտաքին քաղաքականություն է վարել՝ ինքնավստահությամբ ստանձնելով տարածաշրջանային և անգամ համաշխարհային խաղացողի դեր:
«Արտաքին քաղաքականության կարևոր իրադարձությունները տեղի են ունենում Թուրքիայի անմիջական հարևանությամբ և այդ իրադարձություններն անսպասելիորեն նոր իրավիճակներ են առաջ բերում»,- նկատում է Քոհենը՝ անդրադառնալով թուրքական դիվանագիտության՝ նոր իրավիճակներին համապատասխան նոր ռազմավարություն մշակելու, նախկին դիրքորոշումներում նոր շտկումներ մտցնելու անհրաժեշտությանը:
«Օգտակար կլինի, որ նոր կառավարությունը հենց սկզբից վերանայի արտաքին քաղաքականությունը՝ հին որոշումները և մեթոդները նորից աչքի անցկացնելով»:
Ըստ վերլուծաբանի՝ արտաքին քաղաքականության մեջ Թուրքիայի առաջնահերթություններն են Սիրիայի ճգնաժամը, «Իսլամական պետություն» ահաբեկչական կազմակերպության սպառնալիքը, փախստականների հարցը, Սիրիայի հյուսիսում քրդական «Ժողովրդական միություն կուսակցությունը» (PYD), որոնք Թուրքիայի համար բավականին բարդ իրավիճակ են ստեղծում:
Իսկ Սիրիայի և ԻՊ-ի, ինչպես նաև փախստականների հարցը Եվրոպային ստիպում է Թուրքիայի հետ հարաբերությունները բարելավել: Սա հնարավորություն է ընձեռնում Անկարային վերջին շրջանում հետին պլան մղված ԵՄ հարաբերությունները կրկին վերակենդանացնել:
«Վերջին ընտրություններից հետո արտաքին քաղաքականության մեջ կարևոր փոփոխություններ միանգամից չեն լինի: ԱԶԿ-ի ղեկավար կազմը հակված է արտաքին քաղաքականությունը շարունակել նախկին չափորոշիչներով: Սակայն տարածաշրջանի ճգնաժամները և միջազգային իրավիճակը կարող են Թուրքիայից ավելի շատ ճկունություն և պրագմատիզմ պահանջել»- եզրափակել է Քոհենը:
Այս ենթաբաժնի վերջին նորությունները
Թուրքիայի քաղաքական դաշտը վերջին շրջանում նոր լարվածության է հասել Ստամբուլի քաղաքապետ, ընդդիմադիր գործիչ Էքրեմ Իմամօղլուի ձերբակալման հետևանքով:
Փաստացիորեն երկու տասնյակից ավելի նյութերում շրջանառվել են հայկական թեզերը։
Ֆաթիհ Ջեյլանը նշում է, որ Թուրքիան պիտի առավելագույն ջանք գործադրի խաղաղության համաձայնագիրը որքան հնարավոր է շուտ ստորագրելու համար:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այդ համագործակցության մասին առաջին անգամ հայտարարել է «Ռոսատոմ» ատոմային էներգետիկ պետական ընկերության ղեկավար Ալեքսեյ Լիխաչովը:
Հունական «Kathimerini» թերթը գրում է, որ Նյու Յորքում կայացած հունական սփյուռքի միջոցառման ժամանակ այդ մասին հայտնել է Գրեգորի Միքսը։
Գեդեոն Սաարի հայտարարությանն արձագանքել է Թուրքիայի արտաքին գերատեսչությունը այն համարելով լկտի հայտարարություն։
«Hürriyet» թերթի վերլուծաբան Աբդուլքադիր Սելվին անդրադարձել է «ՔԲԿ»-ի հիմնադիր առաջնորդ Աբդուլլահ Օջալանի (Ափո) զենքերը վայր դնելու և կուսակցությունը լուծարելու կոչին։
Այդ մասին հայտարարություն է տարածել Թուրքիայի նախագահականին կից հանրային կապերի վարչությունը։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |