Քաղաքական07:41, 10 Նոյեմբեր 2015
Վերջին 2 տարվա մեջ առաջին անգամ թուրք պաշտոնյաները այցելել են Եգիպտոս
Թուրքիայի գրասենյակների և բորսաների միության (ԹԳԲՄ-TOBB) նախագահ Ռիֆաթ Հիսարջըքլըօղլուն պաշտոնական այցով մեկնել է Կահիրե: Թուրքական «Hürriyet» պարբերականի փոխանցմամբ՝ ԹԳԲՄ նախագահը Եգիպտոս է մեկնել երեք հոգանոց պատվիրակության ուղեկցությամբ: Այցելությունը կարևորվում է հատկապես երկու երկրների միջև առևտրական հարաբերությունների զարգացման հեռանկարների տեսանկյունից: Կայքն արձանագրում է, որ այցը կազմակերպվել է Թուրքիայի նախագահ Ռեջեփ Թայիփ Էրդողանի իմացությամբ:
Վերջին երկու տարվա ընթացքում սա Թուրքիայի կողմից առաջին բարձրաստիճան այցն է Եգիպտոս: Նշվում է, որ վերջին նմանատիպ այցը տեղի էր ունեցել 2013թ., երբ Եգիպտական կառավարության հրավերով Ֆարուք Լողօղլուն և Օսման Քորություրքը այցելել էին Կահիրե:
Անկարայից արված պաշտոնական հայտարարության մեջ ասվում է, որ այցի նպատակն է՝ մասնակցել Իսլամական առևտրական գրասենյակների համաժողովին և այդ շրջանակներում հանդիպումներ ունենալ Եգիպտոսի առևտրական գրասենյակների պաշտոնյաների հետ: Հանդիպումների ընթացքում քննարկվելու են Եգիպտոսում Թուրքիայի կատարած ներդրումների և երկրների միջև առևտրային ծավալների հետ կապված խնդիրներ:
Նշենք, որ մինչև 2005թ. Թուրքիայի և Եգիպտոսի միջև առևտրային ծավալները չէին անցնում 500 մլն դոլարի սահմանները: 2010թ. այդ ցուցանիշն արդեն կազմում էր 3 մլրդ. դոլար, իսկ Թուրքիան շուրջ 1 մլրդ դոլարի ներդրումներ էր կատարել Եգիպտոսում: Սակայն 2011թ. Եգիպտոսում տեղի ունեցած քաղաքական իրադարձությունների պատճառով երկու երկրների առևտրային հարաբերությունները զգալի անկում էին ապրել:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |