Միջազգային09:01, 14 Նոյեմբեր 2015
Աշխարհի լիդերները դատապարտում են Փարիզի ահաբեկչությունները
ԱՄՆ-ի նախագահ Բարաք Օբաման Ֆրանսիայի մայրաքաղաքում տեղի ունեցած զինված հարձակումների և պայթյունների առթիվ հայտարարել է, որ դրանք ակնհայտորեն ահաբեկչական գործողություններ են և հավաստիացրել, որ ԱՄՆ-ն Ֆրանսիայի հետ շարունակելու է պայքարել ահաբեկչության դեմ:
Անգլիայի վարչապետ Դավիդ Քեմերոնը հետևյալ հայտարարությունն է տարածել.« Մենք մտքով և մեր աղոթքներով Ֆրանսիայի ժողովրդի հետ ենք: Ամեն ինչ կանենք՝ անհրաժեշտ օգնություն ցուցաբերելու համար»: Ֆրանսիային իր աջակցությունն է հայտնել նաև Անգլիայի արտգործնախարար Ֆիլիպ Հեմոնդը:
Գերմանիայի կանցլեր Անգելա Մերկելը Փարիզի ահաբեկչությունների առթիվ տարածած իր գրավոր հայտարարության մեջ նշել է, որ խոր ցավ է զգում տեղի ունեցածի համար: «Գերմանիայի բնակչությունն իր համերաշխությունն է հայտնում ֆրանսիացի ժողովրդին»,- ասել է Մերկելը:
Հոլանդիայի վարչապետ Մարկ Ռյուտեն տեղի ունեցածը բարբարասություն է անվանել:
Իտալիայի նախագահը ցավակցական ուղերձ է հղել Ֆրանսուա Օլլանդին, իսկ վարչապետ Մատեո Ռենցին նշել է, որ Իտալիան լալիս է Փարիզի զոհերի համար:
Կանադայի վարչապետ Ջասթին Տրյուդոն հայտարարել է, որ Կանադան ցավակցում և զորակցում է Ֆրանսիայի ժողովրդին և պատրաստ է ամեն կերպ օգնել:
Ռուսաստանի նախագահ Վլադիմիր Պուտինը ևս Փարիզում տեղի ունեցած արյունոտ իրադարձությունների առթիվ ցավակցական ուղերձ է հղել Ֆրանսիայի նախագահին:
Թուրքիայի վարչապետ Ահմեթ Դավութօղլուն հետևյալ հաղորդագրությունն է տարածել. «Փարիզում տեղի ունեցած ստոր հարձակումների թիրախը ողջ մարդկությունն է: Թուրքիայի անունից խստորեն դատապարտում ենք այդ հարձակումները: Ահաբեկչության դեմ պայքարում մենք Ֆրանսիայի կողքին ենք: Ցավակցում ենք զոհվածների հարազատներին և Ֆրանսիայի ժողովրդին»:
Ցավակցական և ահաբեկչությունը դատապարտող հաղորդագրություններով են հանդես եկել նաև Եվրամիության (ԵՄ), Եվրախորհրդարանի (ԵԽ), ՆԱՏՕ-ի և ՄԱԿ-ի ներկայացուցիչները: ՄԱԿ-ի տարածած մամլո հաղորդագրությունում Փարիզի արյունահեղությունը բնութագրվել է որպես «վախկոտ և բարբարոս հարձակում»: Ֆրասիային և ֆրանսիացի ժողովրդին իրենց աջակցությունն են հայտնել ԵՄ խորհրդի նախագահ Դոնալդ Տուսկը, ԵՄ հանձնաժողովի նախագահ Ժան –Կլոդ Յունկերը, ԵԽ նախագահ Մարտին Շուլցը, ՆԱՏՕ-ի գլխավոր քարտուղար Յենս Ստոլտերբերգը:
Համաշխարհային լիդերները միաբերան դատապարտել են Փարիզում շուրջ 150 խաղաղ բնակչի կյանք խլած ահաբեկչական գործողությունները և ընդգծել ահաբեկչության դեմ պայքարելու և Ֆրանսիային անհրաժեշտ աջակցություն ցուցաբերելու իրենց պատրաստակամությունը:
Այս ենթաբաժնի վերջին նորությունները
Նախնական հաշվարկների համաձայն՝ նախագծի ներդրումային արժեքը կազմել է շուրջ 6 մլրդ դոլար։
ԱՄՆ նորընտիր նախագահ Դոնալդ Թրամփը նրան առաջադրել է «Medicare» և «Medicaid» ծառայությունների կենտրոնի ղեկավարի պաշտոնի համար։
Ստորագրահավքի արդյունքները ներկայացվելու են Թուրքիայի խորհրդարան (մեջլիս):
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |