Հասարակական07:34, 18 Նոյեմբեր 2015
Ստամբուլի նախկին հայկական գերեզմանոցի տարածքում մարդկանց ոսկորներ են գտնվել
Ստամբուլի կենտրոնական Թաքսիմ հրապարակում կատարվող վերակառուցման աշխատանքների ընթացքում մարդու գանգի մնացորդներ և այլ ոսկրակտորներ են գտնվել: Թուրքական «Haberler.com» լրատվակայքի տեղեկացմամբ՝ ենթադրվում է, որ այդ ոսկորները պատկանում են հայերին, քանի որ այդ տարածքում մինչև 1939թ. հայկական գերեզմանոց է եղել:
Հայկական աղբյուրներին հղում կատարող թուրքական կայքն ընդգծում է, որ գերեզմանոցի տարածքը հայկական համայնքին էր տրվել շնորհիվ սուլթան Սուլեյմանի վանեցի խոհարար Մանուկ Քարասեֆերյանի, որը սուլթանին մի անգամ փրկել էր թունավորվելուց:
1953թ. օսմանյան սուլթան Աբդուլ Մեջիդի հրամանագրով հայկական գերեզմանոցի շուրջը քարե պարիսպ էր կառուցվել: Ապա Ֆրանսիան և Սարդինիայի թագավորությունը (Իտալիան) գնել էին Թաքսիմի շրջանի որոշ հողակտորներ և այնտեղ հուղարկավորել Ղրիմի պատերազմում զոհված իրենց զինվորներին:
1865թ. Ստամբուլում սկիզբ առած խոլերայի համաճարակը տարածվել էր ոչ միայն ժողովրդի շրջանում, այլ վարակել անգամ որոշ պալատականների: Այդ պատճառով ձմեռային պալատի մոտակայքում գտնվող հայկական գերեզմանոցում հանգուցյալների հուղարկավորությունն արդեն արգելվել էր: Հայերին և հույներին գերեզմանոցի համար հողատարածք էր հատկացվել Ստամբուլի Շիշլի թաղամասում, որը խիտ բնակեցված չէր: Այդ գերեզմանոցն օգտագործվում է նաև այսօր:
Թաքսիմի հայկական գերեզմանոցի տարածքի մի մասը սուլթան Աբդուլ Ազիզի հրամանով բռնագրավվել է 1870թ, երբ տարածքում բարեկարգման աշխատանքներ էին իրականացվում: Իսկ ամբողջությամբ տարածքը օտարվել էր 1939թ.: Իսկ 1940-ին Ստամբուլի նահանգապետ և քաղաքապետ Լյութֆի Քըրդարը հաստատել էր գերեզմանոցի տեղում ներկայիս Գեզի զբոսայգու և Թաքսիմի տարածքի մի շարք բնակելի շենքերի կառուցման ծրագիրը:
Այս ենթաբաժնի վերջին նորությունները
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Լոնդոնում կազմակերպվել է նրանց հանդիպումը։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար Հաքան Ֆիդանն անդրադարձել է Թուրքիայի՝ «BRICS»-ին անդամակցելու գործընթացին և Եվրամիության հետ ունեցած հարաբերություններին։
Նա նաև ընգծել է, որ Թուրքիայի կառուցողական կամքն է՝ աստիճանաբար կարգավորել երկկողմ հարաբերությունները` համակարգելով Ադրբեջանի հետ։
Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։
Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:
Թուրքական մամուլը գրում է, որ իսրայելական լոբբիի ազդեցությամբ որոշում է կայացվել թուրքական և իսրայելական թիմերի բասկետբոլային հանդիպումն Անկարայից տեղափոխել Բելգրադ։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |