Հասարակական13:53, 19 Նոյեմբեր 2015
Պոլսահայ պատգամավոր Սելինա Դողանը խոսել է հայկական սփյուռքի մասին
Թուրքիայի գլխավոր ընդդիմադիր «Ժողովրդահանրապետական կուսակցության» (ԺՀԿ-CHP) պատգամավոր, պոլսահայ Սելինա Դողանը հայտնել է, որ աշխատում են վերացնել Թուրքիայում թշնաբար կիրառվող «սփյուռք» բառի բացասական ընկալումը:
Այս մասին պատգամավորն ասել է Թուրքիա այցելած հայ լրագրողների հետ հանդիպման ժամանակ, որոնք մասնակցում են «Հրանտ Դինք հիմնադրամի» կազմակերպած «Թուրքիա-Հայաստան լրագրողների երկխոսություն» ծրագրին:
Դողանը գոհունակություն է հայտնել, որ մամուլի ներկայացուցիչների համար բաց ճանապարհ կա, որ հնարավորություն կա նրանց հետ հանդիպել մի ժամանակաշրջանում, երբ Թուրքիայում մամուլի ազատությունը կոպտորեն խախտվում է: Պոլսահայ քաղաքական գործիչը հույս է հայտնել, որ իր դիրքորոշումը պատճառ կդառնա երկու երկրների միջև կարծրատիպերը կոտրելու և հասարակական կազմակերպությունների, երկու ժողովուրդների, ինչպես նաև քաղաքական գործիչների հարաբերությունների ամրապնդելու և զարգացնելու համար:
Անդրադառնալով հայկական սփյուռքին՝ Դողանը նշել է, որ, ցավոք, «սփյուռք» բառը Թուրքիայում թշնամական իմաստով է կիրառվում: «Մենք ակտիվ աշխատում ենք «սփյուռք» բառի բացասական ընկալումը վերացնելու ուղղությամբ: Որպեսզի այդ բացասականը դրականով փոխարինենք, ամեն պատեհ առիթով ասում ենք, որ այդ մարդիկ Անատոլիայի մեր քաղաքացիների թոռներն են, որոնց պապերը ստիպված են հեռացել: Բացի այդ նշում ենք, որ պետք է պայքարենք սփյուռքի թշնամացման դեմ և պետք է հնարավոր ամեն ինչ անել արտերկրում ապրող հայերի հետ կրկին քաղաքացիական կապեր հաստատելու համար»:
Դողանը նաև նշել է, որ ամեն ինչ անելու են, որպեսզի բռնագաղթի պատճառով քաղաքացիությունը կորցրած մարդիկ կարողանան հետ ստանալ իրենց քաղաքացիությունը:
Լրագրողների հետ հանդիպմանը ներկա գտնված ԺՀԿ-ի նախագահի տեղակալ Սեզգին Թանրըքուլուն հայտնել է, որ Հրանտ Դինքն իր մտերիմ ընկերներից է եղել: Թանրըքուլուն նշել է, որ Դինքի ողբերգական մահը երկու ժողովուրդների միջև կամուրջ ստեղծեց: Նա նաև ողջունեց «Հրանտ Դինք հիմնադրամի» աշխատանքը, որն ուղղված է երկու երկրների միջև կարծրատիպերը կոտրելուն և երկխոսություն հաստատելուն:
Այս ենթաբաժնի վերջին նորությունները
Թուրքիայի համար «Ակտիվ ծերացման ինդեքսը» 2024-ին հասել է շուրջ 30-ի:
Տարեսկզբից մինչև փետրվարի վերջ Թուրքիա է մեկնել 463․865 իրանցի՝ դառնալով օտարազգի տուրիստների ամենամեծ խումբը։
Թուրքիայի նախագահ Ռեջեփ Թայիփ Էրդողանն ավելի վաղ հայտարարել էր երկրում ծնելիության ինդեքսի խորացող անկման մասին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Այս ցուցանիշով Թուրքիան աշխարհի երկրների ցանկում զբաղեցրել է 17-րդ հորիզոնականը։
«1915-ին Թուրքիայի 13 միլիոն բնակչության 3 միլիոնը կազմում էին քրիստոնյա ժողովուրդները։ Այսօր բնակչությունը 86 միլիոն է, բայց քրիստոնյաների թիվը ընդամենը 50 հազար է: Ինչու՞»։
Ամերիկյան «New York Times» օրաթերթն ուշադրություն է հրավիրել Թուրքիայում աճող ավտորիտարիզմի վրա։
Նշվում է, որ հանդիպմանը քննարկվել է Գազայում հումանիտար իրավիճակը և հրադադարի շուրջ բանակցություններում առկա վերջին զարգացումները։
Ֆիդան․«Ինչպես «Իսլամական պետություն» ահաբեկչական կազմակերպությունը (ԻՊ) դուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության և հանգստության մեջ, կա՛մ այլ կերպ»
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |