Տարածաշրջան13:42, 27 Նոյեմբեր 2015
Էրդողանը` Պուտինին . «Ի՞նչ գործ ունեք Սիրիայում »
Թուրքիայի նախագահ Ռեջեփ Թայիփ Էրդողանը Թուրքիայի Բայբուրթ (Բաբերդ) շրջանում ժողովրդի հետ հանդիպման ընթացքում կրկին անդրադարձել է նոյեմբերի 24-ին ռուսական ինքնաթիռի խոցման միջադեպին` կոշտ հայտարարություններ անելով Ռուսաստանի հասցեին:
Նա, դիմելով Ռուսաստանին, մասնավորապես ասել է . «Իսկ դուք Սիրիայում ի՞նչ գործ ունեք: Ասում եք` Սիրիան է հրավիրել: Պարտավո ՞ր էիք մարդասպան Ասադի հրավերը ընդունել»:
Թուրքիայի նախագահը, կրկնելով, որ ռուսական ինքնաթիռը խոցվել է Թուրքիայի օդային սահմանը խախտելու պատճառով, ասել է.
«Չնայած բոլոր նախազգուշացումներին` ինքնաթիռները շարունակել են շարժվել մեր սահմանների ուղղությամբ: Այդ ժամանակ հայտնի չի եղել, թե ինքնաթիռները ում են պատկանում: Չնայած զգուշացումներին եկել են ու մտել մեր սահմանները: Սիրիայի հետ մեր սահմանը նախկինում էլ խախտել են ռեժիմին և ահաբեկչական կազմակերպություններին պատկանող ինքնաթիռները: Ուստի 2012 թվականին ամբողջ աշխարհի համար հրապարակեցինք մեր օդային սահմանների պահպանության վերաբերյալ կարգը: Այս դեպքից առաջ էլ հոկտեմբերի 3-4-ին կրկին ռուսական ինքնաթիռները 2 անգամ խախտեցին մեր օդային սահմանը : Այս դեպքը արդեն 3-րդ խախտումն էր»,-ասել է նա:
Էրդողանը նշել է, թե նախկին խախտումների ժամանակ ինքը զանգահարել է Պուտինին ու հայտնել իր անհանգստությունը:
«Ասացի` գեղեցիկ չէ, տհաճ զարգացումներ են: G20-ի ընթացքում կրկին այս մասին խոսեցինք: Այդ ժամանակ մեզ ասացին թե «սահմանախախումը ընդունեք որպես հյուրընկալություն»: Ես էլ ասեցի`առանց հրավեր հյուր չեն գալիս»,-ասել է Էրդողանը:
Էրդողանը իր ելույթում դիմելով Ռուսաստանին` մասնավորապես ասել է . «Իսկ դուք Սիրիայում ի՞նչ գործ ունեք: Ասում եք` Սիրիայի ռեժիմն է հրավիրել: Սիրիայում ներկայումս անօրինական ռեժիմ է : Պարտավո ՞ր էիք մարդասպան Ասադի հրավերը ընդունել: 380 հազար մարդու կյանք է խլել Ասադը : Արդյո՞ք օրինական է նրան սատարելը: Այս հարցում մեր անհանգստությունը մի քանի անգամ հայտնել ենք Ռուսաստանին»,-ասել է նա:
Նա նաև հայտնել է որ միջադեպի առնչությամբ իրենք Ռուսաստանին հայտնել են իրենց ափսոսանքը և փորձում են Ռուսաստանի արձագանքը հասկանալ:
«Ռուսաստանի դիքրորոշումը մեզ ծայրաստիճան անհանգստացնում է: Պուտինի` Հոլլանդի հետ հանդիպումից հետո արած հայտարարությունները անընդունելի են: Թուրքիան դիտավորյալ չի խոցել ռուսական ինքնաթիռը: Սա սահմանային խախտմանը ի պատասխան արված քայլ է: «ԻՊ-ի դեմ պայքարող» Ռուսաստանին հետևյալը կուզեմ ասել. Բայըրբուջաքի թուրքմենական շրջանը ԻՊ-ի շրջան չէ: Այս պահին ԻՊ-ի դեմ պայքարողը Թուրքիան է»-, նշել է Թուրքիայի նախագահը:
Այս ենթաբաժնի վերջին նորությունները
Բիթլիսում 9 կմ խորության վրա գրանցված երկրաշարժը զգացվել է նաև հարակից նահանգներում և շրջաններում։
Թուրքիան և Հունաստանը ՆԱՏՕ-ին անդամակցել են 1952 թվականին։
Թուրք պաշտոնյան նաև խոսել է Գազայում, Ուկրաինայում և այլ հակամարտային գոտիներում տիրող իրավիճակից:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |