Նոբլյան մրցանակակիր թուրք գրող քննադատել է Թուրքիայում տիրող բռնությունների մթնոլորտը

Հասարակական09:23, 02 Դեկտեմբեր 2015

Նոբլյան մրցանակակիր թուրք գրող քննադատել է Թուրքիայում տիրող բռնությունների մթնոլորտը

Նոբելյան մրցանակի դափնեկիր, Հայոց ցեղասպանությունը ճանաչած թուրք գրող Օրհան Փամուքը Իտալիայում անդրադարձել է Թուրքիայի ներքաղաքական իրավիճակին և մտավորականների ու լրագրողների նկատմամբ իրականացվող բռնություններին:

Թուրքական «Ntv.com.tr» լրատվակայքի տեղեկացմամբ՝ Փամուքն Իտալիա է մեկնել իր վերջին գրքի շնորհանդեսի կապակցությամբ: Փամուքը նշել է, որ Թուրքայի իշխանություններն անհանդուրժողականություն են դրսևորում լրագրողների նկատմամբ. «Լրագրողները ծեծի են ենթարկվում, բանտարկվում, սպանվում: Գլխավոր ընդդիմադիր թերթի գլխավոր խմբագիրը և իմ մտերիմ ընկերը՝ Ջան Դյունդարը, կալանավորվեց: Ի՞նչ կարող եմ ասել: Շատ բարկացած և վշտացած եմ»:

Իսկ իտալական «İL Mattino» թերթին տված հատուկ հարցազրույցում գրողն անդրադարձել է նաև Թուրքիայի Դիարբեքիր քաղաքի փաստաբանների պալատի նախագահ Թահիր Էլչիի սպանության դեպքին:

«Դա սարսափելի քայլ էր, քանի որ ուղղված էր մի խաղաղասեր մարդու, քրդական հարցի ընտրյալ ներկայացուցչի և մտավորականության դեմ», - ընդգծել է Փամուքը:

Անվանի գրողը մեկնաբանություններ է արել նաև Թուրքիա- Եվրամիություն (ԵՄ) բանակցությունների և փախստականների հարցում կողմերի միջև ձեռք բերված պայմանավորվածության վերաբերյալ: Նոբելյան մրցանակի դափնեկիրը նշել է, որ ինքն անձամբ տարիներ շարունակ պայքար է մղել Թուրքիայի՝ ԵՄ մտնելու համար և այս փոխհամաձայնությունը դիտարկում է որպես եվրաինտեգրման ուղղությամբ արված մեծ քայլ:

«Եթե սա դրական լինի և Թուրքիա-ԵՄ փաթեթը նորից օրակարգ բերվի, ապա ԵՄ-ն չպետք է անտեսի նաև ժողովրդավարության և մտքի ազատության սկզբունքների հարցը»,- նշել է գրողը:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։