Քաղաքական07:52, 04 Դեկտեմբեր 2015
Չավուշօղլուն լրագրողների հետ խոսել է Լավրովի հետ հանդիպման մասին
Թուրքիայի արտգործնախարար Մևլութ Չավուշօղլուն Բելգրադում Ռուսաստանի արտաքին գերատեսչության ղեկավար Սերգեյ Լավրովի հետ համդիպումից հետո պատասխանել է թուրք լրագրողների հարցերին:
Ըստ թուրքական «Hurriyet» թերթի կայքի` Չավուշօղլուն, դրական գնահատելով հանդիպումը, նշել է, որ երկկողմ հարաբերությունները կրկին հունի մեջ գցելու համար անհրաժեշտ է, որ հանդիպումները շարունական լինեն:
Վերջինիս խոսքով և Թուրքիան, և Ռուսաստանը չեն ցանկանում խորացնել լարվածությունը:
«Վստահ եմ` զգացմունքայնության անցնելուց հետո կհաղթի ողջամտությունը և հարաբերությունները կվերադառնան նախկին մակարդակին»,- ասել է Չավուշօղլուն:
Թուրք նախարարը հույս է հայտնել, որ Ռուսաստանը կդադարեցնի իրենց ուղղված «անհիմն» մեղադրանքներն ու կվերանայի լարվածության պայմաններում ընդունած որոշումները` ավելացնելով, որ Թուրքիան չի ընդունել և առայժմ չի էլ նախատեսում Ռուսաստանի դեմ որևէ որոշում ընդունել:
«Համբերատարությամբ սպասում ենք հարաբերությունների կարգավորմանը, սակայն մեզ էլ պետք է համոզվածություն, որ այս վիճակը անվերջ չի շարունակվի»,- նկատել է Չավուշօղլուն:
Թուրքիայի արտգործնախարարը տեղեկացրել է նաև, որ հանդիպման ժամանակ ցավակցություն է հայտնել զոհված ռուս օդաչուի համար:
Թուրքական աղբյուրն առանձնացրել է նաև հանդիպման մասին Լավրովի մի քանի հայտարարություններ, որոնցում վերջինս շեշտել է այն հանգամանքը, թե հանդիպման ժամանակ թուրքական կողմից որևէ նոր բան չի ասվել: Լավրովը խոսել է նաև թուրք-սիրիական սահմանի փակման անհրաժեշտության մասին` հիշեցնելով, որ նմանապիպ ցանկություն է հայտնել նաև ԱՄՆ արտգործնախարար Ջոն Քերրին:
Լավրովը մեկ անգամ ևս հայտարարել է, որ ռուս-թուրքական հարաբերությունները այլևս երբեք չեն լինի այնպես, ինչպես եղել են նախկինում:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |