Թուրքիայի Իզմիր քաղաքում տեղի են ունեցել աղմկահարույց ձերբակալություններ

Իրավական08:10, 18 Դեկտեմբեր 2015

Թուրքիայի Իզմիր քաղաքում տեղի են ունեցել աղմկահարույց ձերբակալություններ

Թուրքիայի Իզմիր (Զմյուռնիա) քաղաքում ահաբեկչության դեմ պայքարի ոստիկանական վարչության հատուկջոկատայինները դեկտեմբերի 18-ի վաղ առավոտյան օպերացիա է կազմակերպել «զուգահեռ կառույց»-ի ենթադրյալ կասկածյալների դեմ:

Միջանկյալ նշենք, որ Թուրքիայում «զուգահեռ կառույց» են անվանում գյուլենական համայնքին: Ամերիկաբնակ Ֆեթուլլահ Գյուլենը և նրա հիմնած իսլամական շարժման հետևորդները խոր առճակատման մեջ են Թուրքիայի ներկայիս իշխանությունների հետ:

Ինչպես հայտնում է թուրքական «haberler» լրատվական կայքը, օպերացիան իրականացվել է Իզմիրի գլխավոր դատախազի ժամանակավոր պաշտոնակատար Օքան Բաթոնի հրահանգով Վերջինս ոստիկաններին տրամադրել է 57 անձից բաղկացած ցուցակ, որոնք ենթակա են ձերբակալության:

Գործողություններ միաժամանակ իրականացվել են Իզմիրի 40 տարբեր հասցեներում: Ձերբեկալվել է 33 մարդ, որոնց մեջ կան գործարարներ, իրավաբաններ, քաղաքական գործիչներ: Այժմ որոնվում են ցուցակում ներառված մյուս 24 հոգին:

Աղբյուր` Ermenihaber.am