Քաղաքական11:51, 23 Դեկտեմբեր 2015
Դեմիրթաշը՝ Լավրովին. «Ռուսական ինքնաթիռի խոցումը սխալ էր»
Թուրքիայի քրդամետ «Ժողովուրդների դեմոկրատական կուսակցության» (HDP-ԺԴԿ) համանախագահ Սելահաթթին Դեմիրթաշը Մոսկվայում հանդիպել է Ռուսաստանի արտգործնախարար Սերգեյ Լավրովի հետ:
«Cnnturk» լրատվական ծառայության տեղեկացմամբ՝ Լավրովն ասել է, որ Սիրիայի կառավարության ցանկությամբ այդ երկրի հակաահաբեկչական պայքարում ներգրավված Ռուսաստանը պատրաստ է ակտիվորեն համագործակցել բոլոր նրանց հետ, ովքեր պայքարում են «Իսլամական պետություն» (ԻՊ) ահաբեկչական կազմակերպության և նմանատիպ ծայրահեղական խմբավորումների դեմ:
«Մենք տեղյակ ենք, որ Իրաքի և Սիրիայի քրդերն ԻՊ-ի դեմ պայքարող ուժերի շարքում են: Նրանք Իրաքի և Սիրիայի զինված ուժերի հետ միասին են գործում՝ պայքարելով իրենց տներում ու հողերում ապրելու իրավունքի համար»,- ընդգծել է Լավրովը:
Անդրադառնալով ռուս-թուրքական լարված հարաբերություններին՝ Լավրովն ասել է, որ Թուրքիայի կառավարության հանդեպ Ռուսաստանի վերաբերմունքը ոչ մի կերպ չի տարածվում թուրք ժողովրդի վրա:
Ռուսաստանի արտաքին գերատեսչության ղեկավարն ընդգծել է, որ պատրաստ են հաշվի առնել Սիրիայի հարցով Դեմիրթաշի գնահատականները:
Հանդիպման ընթացքում Դեմիրթաշը նշել է, որ բազմակարծության և ժողովրդավարության համար պայքարող իրենց կուսակցութունը մեծ կարևորություն է տալիս Ռուսաստան-Թուրքիա հարաբերություններին: Դեմիրթաշը, նշելով, որ ցավալի է ռուս-թուրքական հարաբերությունների ներկա վիճակը, շեշտել է, որ իր կուսակցությունն ընդդիմադիր լինելով հանդերձ քաղաքական լարվածություններից օգուտ քաղելու նպատակ չի հետապնդում:
Ըստ Դեմիրթաշի՝ թուրքական օդուժի կողմից Ռուսաստանին պատկանող ռազմական Սու-24 ինքնաթիռի խոցումը սխալ էր:
«Երկրների միջև խնդիրներ, ճգնաժամներ կարող են առաջանալ, սակայն դիվանագիտական ուղիները պիտի բաց լինեն, և խնդիրները պիտի երկխոսությամբ լուծվեն: Կարծում եմ, որ այս պահից սկսած Թուրքիա-Ռուսաստան ճգնաժամը պետք է լուծել այնպես, որ երկու հասարակությունները և ժողովուրդները վնաս չկրեն»,-նշել է Դեմիրթաշը:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |