Թուրքիայում նորից սպանվել է սիրիացի լրագրող

Հասարակական07:19, 28 Դեկտեմբեր 2015

Թուրքիայում նորից սպանվել է սիրիացի լրագրող

Թուրքիայի սահմանամերձ Գազիայնթեփ (պատմ. Այնթափ) նահանգի համանուն քաղաքի Ալի Ֆուաթ Ջեբեսոյ զբոսայգում անհայտ անձը կամ անձինք սպանել են 37-ամյա սիրիացի լրագրող Նաջի ալ Ջերֆին:

Թուրքական «milliyet» թերթի կայքի հաղորդմամբ` Ջերֆը Գազիանթեփում աշխատում էր մի վավերագրական ֆիլմի նկարահանումների վրա, որտեղ ներկայացվելու էին «Իսլամական պետություն» (ԻՊ) ահաբեկչական կազմակերպության զինյալների կողմից տարածաշրջանում իրականացրած կոտորածները և վայրագությունները:

Նշվում է,որ Ջերֆին կրակել են հրազենից: Փամփուշտը խոցել է նրա գլուխը: Այժմ թուրքական ոստիկանությունը հանցագործությունը կատարողին հայտնաբերելու և ձերբակալելու ուղղությամբ իրականացնում է համապատասխան աշխատանքներ:

Հիշեցնենք, որ ավելի վաղ Թուրքիայի Շանլըուրֆա (պատմ. Ուրֆա) նահանգի Հալիլիյե շրջանի Աթաթուրք թաղամասի երկհարկանի տներից մեկում ևս սպանվել էին երկու սիրիացի լրագրողներ: Վերջիններս սպանվել էին պարանոցներին հասցված սուր կտրող-ծակող գործիքի վնասվածքներից:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։