Էրդողանը ճանաչվել է 2015թ.-ի ամենահաջողակ թուրք քաղաքական գործիչը

Հասարակական13:53, 11 Հունվար 2016

Էրդողանը ճանաչվել է 2015թ.-ի ամենահաջողակ թուրք քաղաքական գործիչը

Թուրքական «Akademetre» հետազոտական և վիճակագրական ընկերությունը հաշվետվություն է հրապարակել Թուրքիայում «2015 թ. ԱՄԵՆԱ-ների»՝ տարվա ամենաակնառու մարդկանց, ամենակարևոր իրադարձությունների, զարգացումների, հաստատությունների վերաբերյալ: Հետազոտությունն իրականացվել է Թուրքիայի 12 քաղաքներում, այդ թվում՝ Ստամբուլ, Անկարա, Տրապիզոն, Էրզրում: Թուրքական «Anadolu» լրատվական գործակալությունն անդրադարձել է ստացված արդյունքներում տեղ գտած անվանակարգերին: Ներկայացնում ենք դրանցից առավել ուշագրավները:

2015թ. Թուրքիայի «ամենահաջողակ քաղաքական գործիչ» է ճանաչվել նախագահ Ռեջեփ Թայիփ Էրդողանը: Երկրորդ և երրորդ տեղերում են ընդդիմադիր «Ժողովրդահանրապետական կուսակցության» առաջնորդ Քեմալ Քըլըչդարօղլուն և «Ազգայնական շարժում կուսակցության» առաջնորդ Դևլեթ Բահչելին:

Տարվա ամենակարևոր իրադարձություն են ճանաչվել նոյեմբերի 1-ի խորհրդարանական ընտրությունները: Երկրորդ տեղում Անկարայի ահաբեկչությունն է, երրորդում՝ հունիսի 7-ի մեջլիսի ընտրությունները:

Իսկ 2015թ. Նոբելյան մրցանակի արժանացած թուրք պրոֆեսոր Ազիզ Սանջարն առաջինն է դարձել «գիտական ոլորտում ամենահաջողակ գործիչ» անվանակարգում:

Տարվա կարևորագույն իրադարձություն է ճանաչվել «Իսլամական պետության» (ԻՊ-İŞİD/DAİŞ) ահաբեկչական գործունեությունը: Երկրորդ տեղում գաղթականների հոսքն է դեպի Եվրոպա և Միջին Ասիայի երկրներ, երրորդ տեղում՝ Եվրոպայում և Միջին Ասիայում իրականացված ահաբեկչությունները:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։