Էրդողանին «թափթփուկ բռնապետ» անվանելու համար ընդդիմադիր կուսակցապետին մեղադրանք է առաջադրվել

Իրավական09:40, 18 Հունվար 2016

Էրդողանին «թափթփուկ բռնապետ» անվանելու համար ընդդիմադիր կուսակցապետին մեղադրանք է առաջադրվել

Անկարայի գլխավոր հանրապետական դատախազությունը Թուրքիայի գլխավոր ընդդիմադիր ուժ համարվող «Ժողովրդահանրապետական» կուսակցության (ԺՀԿ-CHP) առաջնորդ Քեմալ Քըլըչդարօղլուի դեմ հետաքննություն է սկսել:

Թուրքական «Hürriyet» թերթի կայքի համաձայն՝ ընդդիմադիր կուսակցապետին մեղադրանք է առաջադրվել՝ «նախագահին հրապարակավ վիրավորելու» համար: Նշվում է, որ անցյալ շաբաթ կայացած կուսակցական նիստի ժամանակ Քըլըչդարօղլուն Ռեջեթ Թայիփ Էրդողանին « թափթփուկ բռնապետ» է անվանել:

Այս մասին մամուլում տեղ գտած լուրերից հետո ԶԼՄ-ների հարցերով զբաղվող հանրապետական դատախազ Քյուրշաթ Քայրալը քրեական օրենսգրքի 299-րդ հոդվածի («Վիրավորանք նախագահին») հատկանիշներով հետաքննություն է սկսել: Ըստ այդ հոդվածի՝ նախագահին վիրավորելու մեջ մեղադրվող անձը կարող է դատապարտվել 1-4 տարվա ազատազրկման, իսկ եթե վիրավորանքը հրապարակայորեն է հասցվել, ապա պատժաչափը մեկ վեցերորդով կարող է ավելացվել:

Ըստ աղբյուրի՝ հարուցված գործը պետք է առաջիկայում ուղարկվի Անկարայի գլխավոր հանրապետական դատախազության խորհրդարանական հանցագործությունների բյուրո:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։