Եվրադատարանը մերժել է թուրք փաստաբանների՝ պարետային ժամերի դադարեցման պահանջով հայցը

Իրավական08:20, 18 Հունվար 2016

Եվրադատարանը մերժել է թուրք փաստաբանների՝ պարետային ժամերի դադարեցման պահանջով հայցը

Մարդու իրավունքների եվրոպական դատարանը (ՄԻԵԴ) մերժել է թուրք փաստաբանների՝ Թուրքիայի Շըրնաք և Դիարբեքիր շրջաններում տևական ժամանակ շարունակվող պարետային ժամերի հանելու և ուժային օպերացիաները դադարեցնելու պահանջով հայցը:

Թուրքական «Milliyet» պարբերականի տեղեկատվությամբ՝ ՄԻԵԴ-ի կայացրած որոշման մեջ վճռական դեր են կատարել նշյալ շրջաններից ուղարկված լուսանկարները:

Փաստաբանների հայցի շրջանակներում ՄԻԵԴ-ը Թուրքիային հարցում է ուղղել հետևյալ թեմաների վերաբերյալ. «Ո՞րն է փողոց դուրս գալու արգելքի իրավական հիմքը», «Արդյո՞ք նշյալ շրջաններում առողջապահական ծառայությունները բավարար կերպով են մատուցվում, արդյո՞ք բավարարվում են բնակիչների հիմնական պահանջմունքները», «Եթե բնակիչները ցանկանում են լքել իրենց բնակավայրերը, արդյո՞ք նրանց արտահանումը տարածքից կատարվում է հավուր պատշաճի»:

Այս հարցադրումներին պատասխանել է Թուրքիայի անունից հանդես եկեղ արդարադատության նախարարության միջազգային իրավունքի և արտաքին հարաբերությունների վարչությունը: Ի պատասխան հարցադրումների՝ եվրադատարան են ուղարկվել Շըրնաքում և Դիարբեքիրում արված լուսանկարներ՝ փողոցներում կառուցված բարիկադների, խրամատների, թունելների պատկերներով:

Ըստ աղբյուրի՝ վերոնշյալ հայցի մերժման հարցում մեծ կարևորություն են ունեցել հենց այդ լուսանկարները, որոնք ապացույցի արժեք են ունեցել:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։