Ցեղասպանություն07:41, 19 Հունվար 2016
Գերմանիայում Հայոց ցեղասպանության նվիրված միջոցառմանը կմասնակցի նաև ազգությամբ թուրք պատգամավորը
Գերմանիայի Էսսինգլենի քաղաքապետարանի մշակույթի վարչության, քաղաքային գրադարանի և արխիվի կողմից կազմակերպվող «52 x Esslingen» նախագծի շրջանակներում այս օրերին քաղաքում Հայոց ցեղասպանությանը նվիրված միջոցառումներ են տեղի ունենում: Նույն նախագծի շրջանակներում հունվարի 19-ին կանցկացվի «1915/1916 թթ. Հայոց ցեղասպանություն. երեկ և այսօր» խորագրով համաժողով:
Ըստ «Yeniposta.de» լրատվական կայքի` համաժողովին ելույթ կունենա Գերմանիայի Կանաչների կուսակցության համանախագահ, Բունդեսթագի պատգամավոր ազգությամբ թուրք Ջեմ Օզդեմիրը, ով բազմիցս հանդես է եկել ցեղասպանության ճանաչման և դատապարտման օգտին:
Համաժողովին ելույթ կունենան նաև «Հայկական հարցը Թուրքիայում» գրքի հեղինակ թուրքագետ Սիբիլլ Թելենը, Հրանտ Դինք ֆորումի կազմակերպիչ, լրագրող Օսման Օքքանը և գերմանահայ հայտնի արձակագիր Րաֆֆի Կանտյանը:
Համաժողովը կմեկնարկի Էսսինգլենի «Komma Komunalkino» կինոթատրոնում «Հրանտ Դինքի սպանությունը» վավերագրական ֆիլմի ցուցադրումով:
«52 x Esslingen» նախագծի շրջանակներում հունվարի 17-ին և 18-ին նույն կինոթատրոնում ցուցադրվել են հայտնի թուրք ռեժիսոր Ֆաթիհ Աքընի` ցեղասպանության վերաբերյալ նկարահանած «Սպի» և Էրիկ Ֆիդլերի «Աղետ. ցեղասպանություն» ֆիլմերը:
Նշվում է նաև, որ քաղաքի թուրքական համայնքը պատրաստվում է այսօր կայանալիք համաժողովի ժամերին բողոքի ցույց անցկացնել ցեղասպանությանը նվիրված միջոցառումների դեմ:
Այս ենթաբաժնի վերջին նորությունները
Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։
Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։
Նախքան Հայոց ցեղասպանությունն Օսմանյան կայսրությունում ապրում էր ավելի քան 2 մլն հայ:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Միայն 2024-ին Թուրքիայի դեմ Մարդու իրավունքների եվրոպական դատարան է ներկայացվել 6190 հայցադիմում։
Իսրայելի պաշտոնական շրջանակները Թուրքիային մեղադրել են վետոյի իրավունքը որպես քաղաքական գործիք օգտագործելու մեջ։
Նորացված տարբերակով կատարվել է 3-րդ փորձնական թռիչքը, ինչի ընթացքում «Bayraktar TB2T»-ը դրական արդյունք է ցույց տվել։
Ստոկհոլմի միջազգային խաղաղության ինտիտուտը զեկույց է հրապարակել համաշխարհային զենքի առևտրի վերաբերյալ և նշել, որ Թուրքիան համաշխարահային զենքի արտահանման մեջ ավելացրել է իր մասնաբաժինը մինչև 1.7%։
Ընկերությունները նպատակ ունեն զարգացնել բարձր տեխնոլոգիական անօդաչու թռչող սարքեր, մասնավորապես եվրոպական շուկայի համար:
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |