Թուրք ընդդիմադիր կուսակցապետ. «Բռնապետին խաղաղության աղավնի՞ պիտի կոչեի, ինչ է»

Իրավական12:26, 19 Հունվար 2016

Թուրք ընդդիմադիր կուսակցապետ. «Բռնապետին խաղաղության աղավնի՞ պիտի կոչեի, ինչ է»

Թուրք ըդդիմադիր կուսակցապետ Քեմալ Քըլըչդարօղլուն մեկնաբանություններ է արել նախագահ Էրդողանին վիրավորելու մեղադրանքով իր դեմ սկսված հետաքննության վերաբերյալ: Թուրքիայի գլխավոր ընդդիմադիր ուժը համարվող «Ժողովրդահանրապետական կուսակցության» (ԺՀԿ-CHP) առաջնորդը Twitter-ի իր միկրոբլոգում գրել է.

«Հիտլերին կրկնօրինակող, ժողովրդին բևեռացման մղող, երկիրը հրդեհի ճարակ դարձնող մեկին բա ինչպե՞ս պիտի անվանեի, եթե ոչ «թափթփում բռնապետ»: «Խաղաղության աղավնի՞» պիտի կոչեի, ինչ է:

Դատախազներին հրանհանգներ տալը երկրնի նախագահի գործը չէ: Քանի դեռ դու ոտնահարում ես սահմանադրությունը, ես շարունակելու եմ քեզ հիշեցնել պատիվ և բարոյականություն հասկացությունների մասին:

Թափթփուկ բռնապետին պիտի այդպես էլ ասել, իհարկե: Քանի որ աշխարհի բոլոր անկյուններում թափթուկ բռնապետին հենց թափթփուկ բռնապետ են ասում»:

Հիշեցնենք, որ անցյալ շաբաթ կայացած կուսակցական նիստի ժամանակ Քըլըչդարօղլուն Ռեջեթ Թայիփ Էրդողանին «թափթփուկ բռնապետ» էր անվանել, ինչից հետո կուսակցապետին մեղադրանք էր առաջադրվել՝ «նախագահին հրապարակավ վիրավորելու» հոդվածի հատկանիշներով:

Նշենք նաև, որ Թուրքիայի քրեական օրենսգրքի 299-րդ հոդվածի շրջանակներում նախագահին վիրավորելու մեջ մեղադրվող անձը կարող է դատապարտվել 1-4 տարվա ազատազրկման, իսկ եթե վիրավորանքը հրապարակայորեն է հասցվել, ապա պատժաչափը մեկ վեցերորդով կարող է ավելացվել:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։