Էրդողանը իրեն «թափթփուկ բռնապետ» անվանած ընդդիմադիր գործչից փոխհատուցում է պահանջել

Իրավական11:25, 20 Հունվար 2016

Էրդողանը իրեն «թափթփուկ բռնապետ» անվանած ընդդիմադիր գործչից փոխհատուցում է պահանջել

Թուրքիայի նախագահ Ռեջեփ Թայիփ Էրդողանը ընդդիմադիր «Ժողովրդահանրապետական» (ԺՀԿ - CHP) կուսակցության առաջնորդ Քեմալ Քըլըչդարօղլուի դեմ հայց է ներկայացրել դատարան: Թուրքական «Anadolu» լրատվական գործակալության տեղեկացմամբ՝ Էրդողանը 100.000 թուրքական լիրա (մոտ 33.000 ԱՄՆ դոլար) փոխհատուցում է պահանջել ընդդիմադիր կուսակցապետից՝ կուսակցության նիստի ընթացքում իրեն վիրավորելու, ինչպես նաև՝ Twitter-ում իրեն ուղղված վիրավորական գրառումներ կատարելու համար:

Հիշեցնենք, որ անցյալ շաբաթ կայացած ԺՀԿ կուսակցական նիստի ժամանակ Քըլըչդարօղլուն Ռեջեթ Թայիփ Էրդողանին «թափթփուկ բռնապետ» էր անվանել: Այս մասին մամուլում տեղ գտած լուրերի հիման ԶԼՄ-ների հարցերով զբաղվող հանրապետական դատախազ Քյուրշաթ Քայրալը քրեական օրենսգրքի 299-րդ հոդվածի («Վիրավորանք նախագահին») հատկանիշներով հետաքննություն էր սկսել:

Իսկ ավելի ուշ Քըլըչդարօղլուն նշյալ հետաքննության մասին Twitter-ի իր միկրոբլոգում գրել էր.

«Հիտլերին կրկնօրինակող, ժողովրդին բևեռացման մղող, երկիրը հրդեհի ճարակ դարձնող մեկին ուրիշ ինչպե՞ս պիտի անվանեի, եթե ոչ «թափթփուկ բռնապետ»: «Խաղաղության աղավնի՞» պիտի կոչեի, ինչ է»:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։