Հետազոտություն. Թուրքիան այլևս հրապուրիչ չէ եվրոպացի զբոսաշրջիկների համար

Հասարակական09:11, 26 Հունվար 2016

Հետազոտություն. Թուրքիան այլևս հրապուրիչ չէ եվրոպացի զբոսաշրջիկների համար

Եվրոպացի զբոսաշրջիկները Թուրքիայում, Թունիսում և Եգիպտոսում տիրող իրավիճակի պատճառով նախընտրում են անվտանգության առումով ավելի ապահով երկրներ:

Թուրքական «Milliyet» թերթը ներկայացրել է Հոլանդիայի վիճակագրական ծառայության հետազոտության տվյալները, որոնք մատնանշում են Թուրքիայում, Թունիսում, Եգիպտոսում եվրոպացի զբոսաշրջիկների քանակի նվազման ցուցանիշները և պատճառները:

Թունիս մեկնող զբոսաշրջիկների թիվն էականորեն նվազել է նախորդ տարի իրականացված պայթյուններից հետո: 2015 թվականի 3-րդ եռամսյակում եվրոպացի զբոսաշրջիկների թիվը նվազեց 80%-ով: Եգիպտոսի զբոսաշրջության ոլորտը նույնպես տուժել է ահաբեկչական հարձակումների և պայթյունների պատճառով: Այդ երկիր այցելող եվրոպացի զբոսաշրջիկների հոսքը կրճատվել է ուղիղ կեսով:

Ըստ հոլանդական կազմակերպության հետազոտության արդյունքների՝ եվրոպացի զբոսաշրջիկները չեն ցանկանում այցելել նաև Թուրքիա, որը նախկինում համարվում էր ամենահրապուրիչ ուղղություններից մեկը: Նշվում է 2 պատճառ. փախստականների ճգնաժամը, վերջիններս Եվրոպա են անցնում հիմնականում Թուրքայի և Հունաստանից, և սիրիական պատերազմը:

Ներկայացված տվյալների համաձայն՝ նախորդ տարիների համեմատ 2015 թվականին միայն Հոլանդիայից Թուրքիա այցելողների թիվը պակասել է 100 հազարով (մոտ 15 տոկոս): Սպասվում է, որ այս տարի Թուրքիա այցելող եվրոպացի զբոսաշրջիկները թիվը ավելի կնվազի:

Նշվում է, որ, անվտանգության նկատառումներից ելնելով, գերմանացիները, անգլիացիները և բելգիացիները հիմնականում նախընտրում են Իսպանիան, Իտալիան, Ֆրանսիան և Պորտուգալիան: Նշյալ երկրներում հյուրանոցները գրեթե լիքն են:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։