Թուրքիայում դատախազը ցմահ ազատազրկում է պահանջել ընդդիմադիր թերթի խմբագրի ու թղթակցի համար

Իրավական10:48, 27 Հունվար 2016

Թուրքիայում դատախազը ցմահ ազատազրկում է պահանջել ընդդիմադիր թերթի խմբագրի ու թղթակցի համար

Թուրքական դատախազությունը հրապարակել է 2015-ի նոյեմբերին ձերբակալված ընդդիմադիր «Cumhuriyet» թերթի գլխավոր խմբագիր Ջան Դյունդարի և Անկարայի թղթակից Էրդեմ Գյուլի գործով մեղադրական եզրակացությունը:

Ըստ թուրքական «Vatan» թերթի կայքի` դատախազը Թուրքիայի ազգային հետախուզության ծառայության` Սիրիա զենք տեղափոխող բեռնատարների նկարները հրապարակելու համար ձերբակալված լրագրողների համար ցմահ ազատազրկում է պահանջել:

Լրագրողներին առաջադրվել են հետևյալ մեղադրանքները` քաղաքական կամ ռազմական լրտեսության նպատակով պետության գաղտնի փաստաթղթերի տրամադրում, պետության անվտանգությանն առնչվող գաղտնի փաստաթղթերի հրապարակում լրտեսության նպատակով, հաշվարկների և ուժի կիրառման միջոցով կառավարության գործառույթների մասամբ կամ ամբողջական խոչընդոտում, չլինելով ահաբեկչական խմբավորման անդամ` գիտակցաբար դրա օգտին քարոզչություն անելը:

Նշյալ մեղադրանքներով Դյունդարի և Էրդեմի համար առանձին-առանձին պահանջվել են հետևյալ պատիժները` հատուկ ռեժիմով ցմահ ազատազրկում, ցմահ ազատազրկում և 30 տարվա ազատազրկում:

Հիշեցնենք, որ ըննդիմադիր լրագրողներին ձերբակալել էին այն բանից հետո, երբ վերոնշյալ թերթում հրապարակվեց թուրքական ազգային հետախուզության ծառայությանը պատկանող բեռնատարների լուսանկարները: Բեռնատարներում գտնված զենքերը մատակարարվում էին Սիրիայում կռվող ահաբեկիչական խմբավորումներին:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։