«Գազպրոմը» չեղյալ է հայտարարել թուրքական ընկերություններին տրամադրվող զեղչերը

Տարածաշրջան11:53, 29 Հունվար 2016

«Գազպրոմը» չեղյալ է հայտարարել թուրքական ընկերություններին տրամադրվող զեղչերը

Ռուսական «Գազպրոմ» ընկերությունը հայտարարել է թուրքական մասնավոր ընկերություններին վաճառվող գազի գների զեղչերի չեղարկման մասին: «Գազպրոմը» թուրքական մասնավոր գազամատակարարող ընկերություններին 2015թ հունվարից գազը վաճառում էր 10.25% զեղչով:

«CNNTürk» լրատվական ծառայության տեղեկացմամբ՝ զեղչի չեղարկումից հետո դեռևս չի հստակեցվել, թե նոր սակագինը երբ է ուժի մեջ մտնլու:

Մասնավոր հատվածը ներկայացնող թուրքական «Bosphorus Gaz», «Enerco Enerji», «Batı Hattı», «Kibar Enerji», «Avrasya Gaz» և «Shell Enerji» ընկերությունները, համաձայն Ռուսաստանի հետ 2013թ կնքված պայմանագրի` 10 միլիարդ խորանարդ մետր գազ են ներմուծում:

Նշենք, որ ռուս-թուրքական հարաբերությունների պատճառով, որոնք սրվել էին նախորդ տարի նոյեմբերի 24-ին, երբ թուրքական օդուժը Թուրքիայի օդային տարածքը խախտելու համար խոցել էր ռուսական ՍՈՒ-24 ռազմական ինքնաթիռը, Ռուսաստանը մի շարք սահմանափակումներ և պատժամիջոցներ է կիրառում թուրքական կողմի նկատմամբ:

Աղբյուր` Ermenihaber.am