Քաղաքական07:45, 02 Փետրվար 2016
Էրդողան. «Սիրիան, Ռուսաստանը և Իրանը միասին կոտորում են մարդկանց»
Թուրքիայի նախագահ Ռեջեփ Թայիփ Էրդողանը Չիլիի մայրաքաղաք Սանտյագոյում ունեցած ելույթի ժամանակ, խոսելով Սիրիայում տեղի ունեցող իրադադարձությունների մասին, մեղադրել է Ասադի վարչակազմին սեփական ժողովրդին կոտորելու մեջ: Ըստ թուրքական «Sondakika.com» լրատվական կայքի` Թուրքիայի նախագահը հայտարարել է, որ այդ կոտորածն իրականացվում է Իրանի և Ռուսաստանի մասնակցությամբ:
«Դամասկոսի կառավարությունը 2011 թվականի մարտ ամսից սկսած իր ժողովրդի դեմ բռնություն ու ահաբեկչություն է իրականացնում: Սիրիայում մահացածների թիվը հասել է 400 հազարի: Նրանցից 1500-2000-ը սպանվել է քիմիական զենքով: Աշխարհը խոսում է միայն քիմիական զենքով սպանվածների մասին, սակայն սովորական զենքերով սպանվածների մասին որևէ բան չի ասում: Արդյունքում կարևոր չէ, թե ինչպիսի զենքերով են մարդիկ սպանվում: Դրանք բոլորն էլ մարդկության դեմ ուղղված հանցագործության դրսևորումներ են»-, մեկնաբանել է Էրդողանը:
Ըստ Էրդողանի` Թուրքիան այդ հարցով բազմիցս զգուշացրել է Դամասկոսի կառավարությանը, սակայն վերջինս շարունակում է ռումբերով, բալիստիկ հրթիռներով ու քիմիական զենքերով պատերազմել սեփական ժողովրդի դեմ:
«Հիմա ո՞վ է կանգնած Ասադի կողքին: Ռուսաստանը և Իրանը: Այժմ միասին են այդ ամենն իրականացնում: Միասին են մարդկանց սպանում»,- ասել է Էրդողանը:
Վերջինս անդրադարձել է նաև Սիրիայի ճգնաժամի հետևանքով առաջացած փախստականների հոսքին` նշելով, որ ՄԱԿ-ի տվյալների համաձայն Թուրքիան այսօր ամենաշատ փախստականներ ընդունող երկիրն է աշխարհում:
Թուրքիայի նախագահը այս հարցով մեղադրել է եվրոպական երկրներին՝ ասելով. «Դեռ երեկ իրադարձություններին դրսից հետևող եվրոպական երկրներն այսօր արդեն ամենայն խորությամբ իրենց վրա են զգում փախստականների հետ կապված ճգնաժամը: Այժմ սկսում են բղավել: Ասում են` թող փախստականները չգան մեզ մոտ»:
Վերջինս եվրոպական երկրներից բողոքել է փախստականների խնդիրների լուծման մեջ իրենց միայնակ թողելու համար` շեշտելով, որ Թուրքիան մինչ այս պահը իր տարածքում գտնվող ավելի քան 2.5 մլն փախստականների կարիքների համար 9 մլրդ դոլար է ծախսել:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |