Թուրքական հյուրանոցներն ավելի քան 50%-անոց զեղչեր են սահմանել տուրիզմի անկման պատճառով

Հասարակական08:10, 03 Փետրվար 2016

Թուրքական հյուրանոցներն ավելի քան 50%-անոց զեղչեր են սահմանել տուրիզմի անկման պատճառով

Թուրքիայում հանգստացող ռուս զբոսաշրջիկների թվաքանակի նվազումը հնարավորություն կտա թուրք զբոսաշրջիկներին սեփական երկրում հանգիստը կազմակերպել մատչելի գներով: Այս մասին գրում է թուրքական «Milliyet» թերթը՝ նշելով, որ արդեն իսկ արտասահմանցի զբոսաշրջիկների քանակի նվազումը ազդել է թուրքական հյուրանոցների գնային քաղաքականության վրա՝ զեղչերը հասել են 55 տոկոսի:

Թուրքական զբոսաշրջային «Tatilbudur.com» առցանց ամրագրումների կայքի գլխավոր տնօրեն Բյուլենթ Քուշի խոսքերով` Թուրքիայում աճող ահաբեկչությունների պատճառով նվազել է նաև եվրոպացի զբոսաշրջիկների թիվը: Սակայն, ըստ Քուշի, սա դրական ազդեցություն կունենա ներգնա տուրիզմի ակտիվացման համար: «Հյուրանոցների համար օտարերկրյա զբոսաշրջիկների նվազումը բացասական երևույթ է: Այժմ հյուրանոցի սեփականատերերը սկսել են ներքին շուկան ակտիվացնելու համար զեղչեր սահմանել»,- նկատել է տալիս Քուշը:

Ըստ մասնագետի՝ արտարժույթի փոխարժեքի բարձրացումը նույնպես նպաստում է, որ թուրք զբոսաշրջիկներն ընտրեն հանգստի ներքին շուկան:

Արտարժույթի փոխարժեքի բարձրացման դրական կողմի մասին խոսելով՝ Քուշը նշել է. «Սա նշանակում է, որ արտասահմանում հանգստանալու որոշումը ավելի դժվար կլինի քաղաքացիների համար, ինչը թերևս լավ է. փողը կմնա ներքին շուկայում: Ռուսների և որոշ եվրոպական երկրներից եկող զբոսաշրջիկներին կփոխարինեն թուրքերը: Դրան կնպաստի նաև հյուրանոցների զեղչերը»:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։