Քաղաքական11:51, 04 Փետրվար 2016
Թուրքիայի գլխավոր ընդդիմադիր կուսակցությանում դժգոհ են. ԺՀԿ-ն հեռացել է իր հիմնական սկզբունքներից
Թուրքիայի գլխավոր ընդդիմադիր «Ժողովրդահանրապետական» կուսակցության (ԺՀԿ-CHP) ներսում խմորումներ են սկսվել: Կուսակցության մի շարք անդամներ կարծում են, որ ներկայիս CHP-ն հեռացել է իր հիմնական սկզբունքներից և վերածվել է «կրոնականացված կուսակացության» (նկատի ունեն կուսակցությունում ալևիների մեծ թիվը - EH խմբ.):
Թուրքական «Memurlar» լրատվական կայքը գրում է, որ նման տեսակետ են հայտնել նաև CHP-ական նախկին պատգամավորներ Իհսան Օզքեսը, Թայֆուն Իչլին և կուսակցության գերագույն խորհրդի նախկին անդամ Սավջը Սայանը: Նշվում է, որ ըստ վիճակագրական տվյալների, CHP-ի ընտրազանգվածի 53.5 տոկոսը համամիտ է վերոնշյալ տեսակետի հետ:
Իսհան Օսքեսի կարծիքով 7 ընտրություններում գրանցած պարտությունից հետո անգամ կուսակցության նախագահի պաշտոնում Քեմալ Քըլըչդարօղլուի վերընտրվելու պատճառներից մեկն էլ վերոնշյալ գործընթացն է CHP-ի ներսում:
Իսկ ահա Թայֆուն Իչլին կարծում է, որ աշխարհիկություն դավանող այդ կուսակցությունում իշխում է ոչ միայն կրոնականությունը, այլև քրդական ազգայնականությունը, իսկ կուսակցության կառավարման մեջ հայրենասեր մարդիկ տեղ չունեն:
«CHP-ում հասել են մի կետի, երբ անգամ Աթաթուրքի, կուսակցության փիլիոսփայությունն են մերժում: Աթաթուրքին հայհոյողների, մարդասպան անվանողների ամուսինները պատգամավոր են դառնում, իսկ «Հայոց ցեղասպանություն է եղել, Դերսիմի կոտորած է եղել» արտահայտություն անողների ամուսինները խրախուսվում են: Սա էլ արվում այսպես կոչված առաջադիմության անվան տակ»,- հավելել է Իլչին:
CHP գերագույն խորհրդի նախկին անդամ Սավջը Սայանը կարծում է, որ քաղաքական պառակտումները շատ վտանգավոր են Թուրքիայի համար: Ըստ նրա՝ որոշ ուժեր հետամուտ են ալևիական կուսակցություն ստեղծել, ինչն արվում է CHP-ի միջոցով:
«Ալևիների միջոցով խաղում են նույն խաղը, ինչ քրդերի դեպքում էր: Ե՛վ քրդերը, և՛ ալևիները պետք է այս խաղը կանխեն», -ասել է Սայանը: Վերջինս կուսակցության նախագահին անվանել է «մեծ նախագիծ», որը դեռ մեծ խնդիրներ է ստեղծելու իրենց համար:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |