Քաղաքական10:32, 04 Փետրվար 2016
Թուրքիայի ԱԳՆ-ի հայտարարությունը` ռուսական դիտորդական թռիչքի չկայանալու վերաբերյալ
Թուրքիայի արտգործնախարարության խոսնակ Թանժու Բիլգիչը պարզաբանումներ է տվել Թուրքիայի օդային տարածքում ռուսական կողմի դիտորդական թռիչքը թույլ չտալու պատճառների վերաբերյալ:
Ըստ թուրքական «Doğan» լրատվական գործակալության` Բիլգիչը հայտարարել է, որ դիտորդական թռիչքը իրականացնող ռուսական «An-30B» ինքնաթիռին Թուրքիայի օդային տարածք մուտք գործելը արգելվել է, քանի որ վերջինիս երթուղին նախապես համաձայնեցված չի եղել:
««Բաց երկնքի մասին» այմանագրի շրջանակներում անցկացվող դիտորդական թռիչքներն իրականացվում են համաձայնեցված երթուղու դեպքում, որը ձեռք է բերվում թռիչքն իրականացնող երկրի և այն երկրի միջև, որի օդային տարածքում կատարվելու է թռիչքը: Այդ համատեքստում փետրվարի 2-5 -ին նախատեսված թռիչքի երթուղու վերաբերյալ համաձայնություն ձեռք չի բերվել, և թռիչքը չի կայացել»,- հայտարարել է Բիլգիչը:
Բիլգիչի պնդմամբ` «Բաց երկնքի մասին» պայմանագրի անդամ երկրների համար գաղտնիք չէ, որ Ռուսաստանն իր տարածքում դիտորդական թռիչքներ իրականացնող երկրների առջև տարատեսակ սահմանափակումներ է դնում:
Թուրք պաշտոնյան ավելացրել է նաև, որ 2015 թվականին Ռուսաստանը Թուրքիայի տարածքում անցկացրած դիտորդական թռիչքը անցկացրել է ըստ թուրքական կողմի նախընտրած երթուղու:
«Բաց երկնքի» մասին պայմանագիրը ստորագրվել է 1992թ. 24 երկրի կողմից: Կողմերը պայմանավորվել են ամեն տարի դիտորդական թռիչքներ իրականացնել միմյանց օդային տարածքներով: Ներկայումս պայմանագիրը ստորագրած երկրների թիվը հասել է 33-ի:
Այս ենթաբաժնի վերջին նորությունները
Թուրքական «Asal» հետազոտական կենտրոնի կողմից սոցհարցում է անցկացվել՝ պարզելու, թե ընտրելու իրավունք ունեցողները, որ քաղաքական ուժի օգտին են քվեարկելու։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:
Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։
«Մենք այնտեղ (ԱՄՆ-ում) 6 հատ F-35 ինքնաթիռ ունենք։ Հիմա, երբ տեսան, որ մենք «Kaan» ենք ստեղծում, նրանց վերաբերմունքը փոխվել է»,-նշել էր Յաշար Գյուլերը։
Թուրքիայում խոշոր սոցհարցում է անցկացվել՝ պարզելու երկրի 81 նահանգների IQ մակարդակը:
Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |