Գարո Փայլանը խոսել է պոլսահայ ոսկերիչի սպանության և հայաստանցի կասկածյալների մասին

Իրավական13:37, 12 Փետրվար 2016

Գարո Փայլանը խոսել է պոլսահայ ոսկերիչի սպանության և հայաստանցի կասկածյալների մասին

Թուրքիայի քրդամետ «Ժողովուրդների դեմոկրատական կուսակցության» (ԺԴԿ-HDP) պատգամավոր հայազգի Գարո Փայլանն անդրադարձել է փետրվարի 10-ին Ստամբուլի Շիշլի թաղամասում տարեց հայ ոսկերիչ Հակոբ Դեմիրջիի տան վրա կատարված ավազակային հարձակմանը, որի ժամանակ պարաններով ամուր կակպվելու հետևանքով Դեմիրջին մահացել էր:

Փայլանը հերքել է թուրքական մամուլում տարածված այն լուրը, թե իբրև կողոպտիչները Դեմիրջի ամուսիններին կապկպել են «խոզի կապով» (մարդկանց կապկպելու հատուկ ձև)` միաժամանակ հաստատելով, որ ավազակային հարձակումն իրականացրածները հայաստանցի են եղել:

«Նրանք կապկպված են եղել ոչ թե խոզի, այլ սովորական կապով, իսկ բերանները փակված է եղել կպչուն ժապավեններով»,- ասել է հայ պատգամավորը:

Փայլանը, խոսելով Թուրքիա մեկնող հայաստանցիների գործունեությունից, ասել է. «Մենք, որպես համայնք, պետք է քննարկենք հայաստանցիների հարցը: Նրանք այստեղ գողությամբ, մարմնավաճառությամբ և թմրանյութերի վաճառքով են զբաղվում: Համայնքը պետք է հավաքվի և խոսի այս թեմայի մասին»:

Հիշեցնենք, որ փետրվարի 6-ին Ստամբուլի հայաշատ Շիշլի թաղամասի Հարբիյե Ջումհուրիյեթ պողոտայում գտնվող իր բնակարանում սպանվել էր Դեմիրջին, ով շուրջ 40 տարի աշխատել է որպես ոսկերիչ: Կապկպելով Դեմիրջիին և նրա կնոջը՝ 79-ամյա Սեդա Աիդա Դեմիրջիին, հանցագործները վերցրել էին տանը եղած թանկարժեք իրերը և հեռացել: Ոստիկանությանը և փրկարարներին հաջողվել էր ժամանակին փրկել կնոջ կյանքը, սակայն տարեց տղամարդը խեղդամահ էր եղել:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։