Թուրքիայի խորհրդարանի տպարանը հայ պատգամավորի համար հայերեն այցեքարտ է տպագրել

Հասարակական08:43, 22 Փետրվար 2016

Թուրքիայի խորհրդարանի տպարանը հայ պատգամավորի համար հայերեն այցեքարտ է տպագրել

Թուրքիայի Ազգային մեծ ժողովի (ԹԱՄԺ-TBMM) տպարանը մեջլիսի հայ պատգամավոր Գարո (Կարօ) Փայլանի այցեքարտերը տպագրել է երկու լեզվով՝ թուրքերեն և հայերեն:

Քրդամետ ընդդիմադիր «Ժողովուրդների դեմոկրատական» կուսակցության (ԺԴԿ-HDP) ներկայացուցիչ Փայլանն այս նորությունը հայտնել է սոցցանցում արած գրառմամբ՝ հրապարակելով նաև իր երկլեզու այցեքարտի լուսանկարը:

Հայ պատգամավորը թեմայի վերաբերյալ հետևյալ գրառումն է արել. «Խորհրդարանի տպագրատունն իմ քարտերը հայերենով և թուրքերենով է տպագրել: Մայրենի լեզվի միջազգային օրը նման քայլը շատ խորհրդանշական է: Տարոսը մյուս լեզուներին»:

Միևնույն ժամանակ թուրքական «Cumhuriyet» թերթից հայտնի է դարձել, որ 2014թ. խորհրդարանը մերժել էր ԺԴԿ-ական պատգամավոր Ֆայսալ Սարըյըլդըզի՝ խորհրդարանի՝ իր այցեքարտը քրդերենով տպագրելու մասին դիմումը:

Նշենք, որ փետրվարի 21-ը հռչակվել է «Մայրենի լեզվի միջազգային օր» 1999թ.՝ ՅՈՒՆԵՍԿՕ-ի կողմից:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։