Իրավական07:42, 25 Փետրվար 2016
Ստամբուլում սպանված տարեց հայ կնոջ գործով դատավարությունն ավարտվել է
Ստամբուլի քրեական դատարանում ավարտվել է ազգությամբ հայ 85-ամյա Մարիցա Քյուչուքի սպանության առթիվ հարուցված քրգործը: Թուրքական «Haberler.com» լրատվակայքի տեղեկացմամբ՝ մեղադրյալ Մուրադ Նազարյանը նախ դատապարտվել է խստացված ռեժիմի ցմահ բանտարկության: Սակայն հաշվի առնելով դատավարության ընթացքում մեղադրյալի օրինակելի պահվածքը՝ դատական հանձնաժողովը որոշում է կայացրել հանել խստացված ռեժիմը:
Դատարանը որոշում է կայացրել նաև հայց ներկայացնել Ստամբուլի գլխավոր հանրապետական դատախազություն՝ հանցանքի հնարավոր մյուս մասնակիցներին բացահայտելու պահանջով:
Դատական նիստի ընթացքում մեղադրյալի փաստաբանը պնդել է, թե գործով բոլոր փաստերը բացահայտված և ուսումնասիրված չեն, իսկ իր պաշտպանյալը մեղավոր չէ: Փաստաբանը պահանջել է Նազարյանին անմեղ ճանաչել: Մեղադրյալը ևս պնդել է, որ ինքը մեղավոր չէ իրեն վերագրվող հանցանքում:
Հիշեցնենք, որ Մարիցա Քյուչուքը սպանվել էր 2012թ.՝ Ստամբուլի Ֆաթիհ շրջանի իր տանը: Մեծ դաժանությամբ սպանված տարեց կնոջ բազմաթիվ կոտրվածքներն ու այն հանգամանքը, որ տանից ոչինչ չէր գողացվել, հիմք էին դարձել այն վարկածի, որ սպանությունը կատարվել է ատելության հողի վրա՝ մեկից ավելի հանցագործների մասնակցությամբ:
Սակայն գործով դատարանի առաջ էր կանգնեցվել միայն Մուրադ Նազարյանը, ում մեղադրանք էր առաջադրվել առավել դաժանությամբ կատարված դիտավորյալ սպանության համար: Մեղադրական եզրակացությամբ Նազարյանի նկատմամբ պահանջվել էր սահմանել խստացված ռեժիմի ցմահ բանտարկությունը:
Այս ենթաբաժնի վերջին նորությունները
Ստամբուլում ընդդիմադիրներ գործիչների ձերբակալությունների հերթական ալիքն է սկսվել:
Եվրոպայի բռնության և վատ վերաբերմունքի կանխարգելման կոմիտեն ապրիլի 7-ից 11-ը եղել է Թուրքիայում:
Թուրքական դատարանը բարոյական վնասի փոխհատուցման այդպիսի որոշում է կայացրել:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Հարցվածների 32%-ը նշել է, որ չի վստահում որևէ հեռուստաալիքի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |