Բունդեսթագում հետաձգվել է Հայոց ցեղասպանության ճանաչման բանաձևի քվերարկությունը

Ցեղասպանություն08:28, 26 Փետրվար 2016

Բունդեսթագում հետաձգվել է Հայոց ցեղասպանության ճանաչման բանաձևի քվերարկությունը

Գերմանիայի դաշնային խորհրդարանում հետաձգվել է Հայոց ցեղասպանության ճանաչման բանաձևի քննարկումը: Թուրքական «ensonhaber.com» լրատվակայքի տեղեկացմամբ՝ բանաձևը նախապատրաստած «Կանաչների» կուսակցությունը (Dile Grüne) որոշում է կայացրել՝ բանաձևը քվեարկության չդնելու մասին: Հայոց ցեղասպանության ճանաչման բանաձևը կրկին Բունդեսթագի օրակարգ կբերվի ապրիլին:

Փաստաթղթի քվեարկության հետաձգման մասին հայտարարել է Կանաչների կուսակցության համանախագահ Ջեմ Օզդեմիրը: Ենթադրվում է, որ նման որոշման պատճառ է դարձել այն հանգամանքը, որ դաշնային խորհրդարանում իշխող «Քրիստոնյա- դեմոկրատական միություն», «Քրիստոնյա-սոցիալիստական միություն» և «Սոցիալ դեմոկրատ» կուսակցությունները , ամենայն հավանականությամբ, այս փուլում չեն աջակցի Ցեղասպանության ճանաչման բանաձևին՝ փախստականների ճգնաժամի շրջանակներում Թուրքիայի հետ բանակցությունները չձախողելու մտավախությունից ելնելով:

Աղբյուր` Ermenihaber.am

Այս ենթաբաժնի վերջին նորությունները

16:39, 27 սեպ

Նյու Յորքի քաղաքապետը մեղադրվում է Հայոց ցեղասպանությունից չխոսելու դիմաց Թուրքիայից կաշառք ստանալու մեջ

Էրիկ Ադամսին մեղադրական եզրակացություն է ներկայացվել Նյու Յորքի հարավային շրջանի դատախազի կողմից, առ այն, որ նա Թուրքիայի կառավարության կողմից կաշառք է ստացել։

13:39, 11 սեպ

Հայոց ցեղասպանությունը վերապրած, իսլամացված հայ կնոջ պատմությունը «Սիրելի F» ֆիլմում

Հայկական արմատներով լուսանկարիչ և ռեժիսոր Սերա Աքջանը Ermeniahaber.am-ի հետ զրույցում պատմել է իր հեղինակած «Սիրելի F» (Sevgil F) վավերագրական ֆիլմի և ֆիլմհերոսի մասին, ով ևս հայ է։