Էրդողանի որդին Իտալիայում իր սկսված հետաքննություն հետո վերադարձել է Թուրքիա

Իրավական13:39, 04 Մարտ 2016

Էրդողանի որդին Իտալիայում իր սկսված հետաքննություն հետո վերադարձել է Թուրքիա

Թուրքիայի նախագահ Ռեջեփ Թայիփ Էրդողանի ավագ որդին` Բիլալ Էրդողանը, ով Բոլոնիայի Ջոն Հոպկինս համալսարանում դոկտորական ատենախոսությունը պատրաստելու նպատակով ընտանիքի հետ միասին մեկնել էր Իտալիա, ուսումը կիսատ թողնելով` վերադարձել է Թուրքիա:

Թուրքական «Cumhuriyet» թերթի կայքը, հղում անելով իտալական «Il Resto del Carlino» թերթին, գրում է, որ Բիլալը Իտալիայի Բոլոնիա քաղաքի իր ընկերներին ուղարկած անգլերեն կարճ հաղորդագրության մեջ նշել է. «Սիրելի ընկերներ, մենք որոշել ենք վերադառնալ Ստամբուլ»:

Իսկ իր որդու դպրոցի ծնողական խորհրդին ուղարկած նամակում էլ իրենց Թուրքիա վերադարձը Բիլալ Էրդողանը հիմնավորել է հետևյալ կերպ. «Բոլոնիայում մեր անվտանգության պահպանումը շատ նուրբ հարց է դարձել թե՛ Իտալիայի, թե՛ Թուրքիայի կառավարությունների համար»:

Իտալական թերթը նշել է, սակայն, որ Բիլալ Էրդողանի անվտանգությունը Իտալիայում ապահովվել են ոչ միայն Թուրքիայից ժամանած, այլ նաև իտալական կառավարության կողմից նշանակված անվտանգության աշխատակիցները:

Աղբյուրը նշել է, որ անվտանգության նկատառումներից բացի Բիլալի վերադարձի համար ավելի ծանրակշիռ դրդապատճառ կարող է լինել «փողերի լվացման» հիմքով վերջինիս նկատմամբ Բոլոնիայի դատախազության կողմից սկսված հետաքննությունը:

Նշենք, որ հետաքննությունը սկսվել էր Ֆրանսիայում բնակվող գործարար Հաքան Ուզանի` մոտ մեկ ամիս առաջ ներկայացրած բողոքի հիման վրա:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։