Իրավական08:33, 14 Մարտ 2016
Ահաբեկչությունից հետո Թուրքիայում արգելափակվել են Facebook-ն ու Twitter-ը
Մարտի 13-ի երեկոյան Անկարայի Քըզըլայ շրջանում տեղի ունեցած հերթական ահաբեկչական պայթյունից հետո երկրում արգելափակվել են սոցիալական կայքերը: Թուրքական «Haberler.com» լրատվակայքի տեղեկացմամբ՝ Թուրքիայի կապի և հեռահաղորդակցության վարչությունը դեպքից հետո վճիռ է կայացրել՝ սահմանափակելու վիրավորների և զոհվածների արյունոտ տեսարանների տարածումը սոցիալական ցանցերում:
Թուրքիայի գլխավոր հանրապետական դատախազությունը և հեռուստառադիոընկերության բարձրագույն խորհուրդը ռադիոյի ու հեռուստատեսության գործունեությունը կարգավորող №6112 օրենքի սահմաններում արգելել են Անկարայի ահաբեկչության հետ կապված հրապարակումները: Ինչից հետո ինտերնետի գործուներությունը կարգավորող 5156 օրենքով առաջնորդվող կապի և հեռահաղորդակցության վարչությունն իր հերթին արգելել է դեպքին վերաբերող լուսանկարների ու տեսագրությունների տարածումը սոցցանցերում: Արդյունքում ներկա պահին երկրում անհասանելի կամ ծայրահեղ դժվար հասանելի են մասնավորապես Facebook և Twitter կայքերը:
Ընդդիմադիր «T24.com» լրատվամիջոցի համաձայն՝ Անկարայի պայթյունից հետո բացի Facebook-ից և Twitter-ից անհասանելի են դարձել նաև որոշ այլ սոցիալական ցանցեր: Նշվում է, որ ընդհանուր առմամբ երկրում չափազանց դանդաղել է ինտերնետ կապի արագությունը:
Այս ենթաբաժնի վերջին նորությունները
Ստամբուլում ընդդիմադիրներ գործիչների ձերբակալությունների հերթական ալիքն է սկսվել:
Եվրոպայի բռնության և վատ վերաբերմունքի կանխարգելման կոմիտեն ապրիլի 7-ից 11-ը եղել է Թուրքիայում:
Թուրքական դատարանը բարոյական վնասի փոխհատուցման այդպիսի որոշում է կայացրել:
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |