Անգլիան զգուշացնում է իր քաղաքացիներին. Թուրքիայում անվտանգ չէ

Միջազգային07:09, 15 Մարտ 2016

Անգլիան զգուշացնում է իր քաղաքացիներին. Թուրքիայում անվտանգ չէ

Մարտի 13-ին Անկարայում տեղի ունեցած հերթական ահաբեկչական պայթյունից հետո Մեծ Բրիտանիայի արտգործնախարարությունը հանդես է եկել իր քաղաքացիներին ուղղված հայտարարությամբ:

Նախարարության՝ արտերկրում ճանապարհորդել պատրաստվող քաղաքացիներին առաջարկներ ներկայացնող կայքում նախազգուշացում է տեղադրվել այն մասին, որ, չնայած անվտանգության ուժերի գործադրած ջանքերին, Թուրքիայում դեռևս խիստ ռիսկային է ահաբեկչության առումով:

«Մարտի 13-ին Անկարայի կենտրոնական Քըզըլայ շրջանում պայթյուն է որոտացել: Անգլիայի քաղաքացիներին խորհուրդ է տրվում հեռու մնալ այդ շրջանից և հետևել իրավասու անձանց հրահանգներին», -ասված է հրապարակման մեջ:

Հայտարարությունում նաև անդրադարձ է կատարվել այն հանգամանքին, որ անվտանգության խնդիրը առկա է Թուրքիայի ոչ բոլոր շրջաններում: Նշենք, որ յուրաքանչյուր տարի շուրջ 2.5 մլն բրիտանացի է զբոսաշրջության նպատակով մեկնում Թուրքիա:

Աղբյուր` Ermenihaber.am