Ստամբուլում թալանել են հայ պրոֆեսոր Քոթողյանի առանձնատունը

Հասարակական10:57, 16 Մարտ 2016

Ստամբուլում թալանել են հայ պրոֆեսոր Քոթողյանի առանձնատունը

Թուրքիայում կողոպտել են անվանի հայ պրոֆեսոր, 77-ամյա Հակոբ Քոթողյանի առանձնատունը: Ինչպես տեղեկացնում է թուրքական «Hürriyet» պարբերականի կայքը՝ մարտի 15-ին ժամը 15:00-ի սահմաններում երեք դիմակավոր անձիք ներխուժել են Քոթողյանի՝ Ստամբուլի Էմիրգան շրջանում գտնվող առանձնատունը:

Նրանք կապել են հայ պրոֆեսորի կնոջ՝ 63-ամյա Սյուզան Քոթողյանի ձեռքերն ու ոտքերը և պահանջել չհրկիզվող պահարանի գաղտնաբառը: Այնուհետև հափշտակելով պահարանում եղած 1.5 մլն թուրքական լիրան (շուրջ 500.000 ԱՄՆ դոլար)՝ հանցագործները դիմել են փախուստի:

Սյուզան Քոթողյանին դժվարությամբ հաջողվել է ազատել ձեռքերը կապանքներից և զանգահարել ոստիկանություն: Դեպքի վայր մեկնած ոստիկաններն առանձնատանը մատնահետքերի զննություն են իրականացրել, ինչպես նաև հավաքել են տանը և շրջակա տարածքում տեղադրված տեսախցիկների տեսագրությունները: Դեպքի առթիվ հետաքննություն է սկսվել: Սյուզան Քոթողյանը տեղափոխվել է հիվանդանոց:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։