Թուրքիայից արտաքսվել է 25 տարի այնտեղ ապրած բրիտանացի գիտնականը

Հասարակական07:18, 17 Մարտ 2016

Թուրքիայից արտաքսվել է 25 տարի այնտեղ ապրած բրիտանացի գիտնականը

25 տարի շարունակ Թուրքիայում ապրած բրիատանացի գիտնական Քրիս Ստեփենսոնը արտաքսվել է այդ երկրից: Ըստ թուրքական «Doğan» լրատվական գործակալության՝ արտաքսման պատճառն այն է, որ Ստեփենսոնը փորձել է աջակցել ձերբակալված 3 գիտնականի, որոնք մասնակցել էին «Մենք այս մեղքին հանցակից չենք լինելու» ստորագրահավաքին:

Իրավապահները նախ ձերբակալել են անգլիացի գիտնականին, ապա ազատ արձակել: Ավելի ուշ դատախազության պահանջով Ստեփենսոնը բերման է ենթարկվել Ստամբուլի մարզային միգրացիոն վարչություն, իսկ հետո ոստիկանների ուղեկցությամբ տեղափոխվել է «Աթաթուրք» օդանավակայան:

Ստեփենսոնի կինը և դուստրը նույնպես նրա հետ մեկնել են Լոնդոն: Քրիս Ստեփենսոնը Թուրքիայում էր բնակվում 1991-ից և դասավանդում էր Ստամբուլի Բիլգի համալսարանում:

Հիշեցնենք, որ Թուրքիայի Սիլվան, Սուր, Նուսայբին, Ջիզրե, Սիլոփ շրջանների տևական պարետային ժամերի և բախումների դեմ բողոքող «Հանուն խաղաղության» նախաձեռնությունը տարեսկզբին ստորագարհավաք էր կազմակերպել «Մենք այս մեղքին հանցակից չենք լինելու» կարգախոսով հայտարարության համար: Այն ստորագրել էր աշխարհի 89 համալսարանների 1.128 գիտնական: Նրանք պահանջել էին անմիջապես դադարեցնել այս շրջաներում բնակչության դեմ բռնություններն ու սահմանափակումները: Հայտարարության տակ ստորագրած գիտնականների դեմ հետաքննություն էր սկսվել, ինչի շրջանակներում մեծ թվով ձերբակալություններ եղան:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։