Իսթիքլալում ահաբեկչական պայթյունի հեղինակը Թուրքիայի քաղաքացի է եղել

Հասարակական17:26, 20 Մարտ 2016

Իսթիքլալում ահաբեկչական պայթյունի հեղինակը Թուրքիայի քաղաքացի է եղել

ԴՆԹ հետազոտությամն միջոցով բացահայտվել է Ստամբուլի Բեյօղլու թաղամասի Իսթիքլալ պողոտայում պայթյուն իրականացրած ինքնասպան ահաբեկչի ինքնությունը: Ըստ պաշտոնական տեղեկության՝ ահաբեկիչը Գազիանթեփ քաղաքի գրացում ունեցող 24-ամյա Մեհմեթ Օզթուրքն է, որը դեռևս 2013 թվականից լքել էր տունը և համալրել «Իսլամական պետություն» ահաբեկչական կազմակերպության շարքերը: Օզթուրքի ընտանիքը վաղուց հաղորդում էր տվել ոստիկանության բաժին Օզթուրքի անհետանալու մասին:

Ըստ թուրքական «DHA» լրատվական գործակալության՝ մամուլի ասուլիսի ժամանակ Թուրքիայի ներքին գործերի նախարար Էֆքան Ալան հայտնել է, որ սկսվել է հետաքննություն, արդեն 5 մարդ ձերբակալվել է: Նովրուզի տոնակատարությունների անվտանգությունն առավելագույնս ապահովելու համար ուժեղացված ծառայության մեջ են գտնվում 120 հազար ոստիկան և 80 հազար ժանդարմ: Տոնակատարություններն անցկացնելու համար թույլտվություն է տրվել ընդամենը 18 նահանգի, իսկ որոշ նահանագներում արգելվել է՝ անվտանգության նկատառումներից ելնելով:

Ահաբեկչական պայթյունի հետևանքով զոհվել է 4, վիրավորվել՝ 39 մարդ: Մահապարտ ահաբեկիչը պայթյունն իրականացրել է այն ժամանակ, երբ անցնելիս է եղել զբոսաշրջիկների մոտով: Ինչպես հայտնում է թուրքական «Hurriyet»-ը, 4 զոհից 3-ը Իսրայելի քաղաքացիներ էին, 1-ը՝ Իրանի Իսլամական Հանրապետության:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։