Թուրքական մեջլիսի հայ պատգամավորի հոդվածը Արա Գյուլերի մասին

Հասարակական08:19, 22 Մարտ 2016

Թուրքական մեջլիսի հայ պատգամավորի հոդվածը Արա Գյուլերի մասին

«Վարպետ Արան Թուրքիայի ամենալավ ֆոտոլրագրողն է: Բայց եթե նրան արվեստագետ-լուսանկարիչ անվանեք, տհաճ պատասխան կստանաք: Վարպետն իրեն ֆոտո լրագրող է ներկայացնում»,- այսպես է սկսում իր հոդվածը Թուրքիայի իշխանական «Արդարություն և զարգացում» (ԱԶԿ-ԱԿՊ) կուսակցության պատգամավոր Մարգար Եսայանը:

Հայ պատգամավորնանդրադառնում է Արա Գյուլերի մասին պատմող «Ստամբուլի աչքը» վավերագրական ֆիլմին, որի շնորհանդեսը տեղի էր ունեցել մարտի 13-ին Վաշինգտոնում: «DC» կինոփառատոնում այն արժանացել էր ամենալավ ֆիլմի տիտղոսին:

Ֆիլմի եվրոպական պրեմիերան տեղի է ունեցել Սալոնիկի վավերագրական ֆիլմերիփառատոնի ժամանակ: Եսայանը նշում է, որ ֆիլմի նկատմամբ հետաքրքրությունն այնքան մեծ է եղել, որ ցուցադրությունից օրեր առաջ բոլոր տոմսերը սպառված են եղել:

Հեղինակը տեղեկացնում է, որ Թուրքիայում ևս շուտով կկայանա «Ստամբուլի աչքը» ֆիլմի պրեմիերան, մայիսին էլ ֆիլմը ներկայացված կլինի Լոս Անջելեսում անցկացվելիք հարավարևելյան Եվրոպայի կինոփառատոնին:

«Չնայած «Ստամբուլի աչքը» ֆիլմի միջազգային հաղթարշավին` Ստամբուլի կինոփառատոնի խորհուրդը մերժել է Արա Գյուլերի մասին պատմող ֆիլմը ներկայացնել»,- գրում է Եսայանը:

Հեղինակն անդրադարձել է նաև վերջերս թուրքական մամուլում Գյուլերի անվան հետ կապված աղմուկին, երբ վերջինս իր ցանկությամբ լուսանկարել էր Թուրքիայի նախագահ Ռեջեփ Թայիփ Էրդողանի ընտանիքին ու արժանացել որոշ լրատվամիջոցների քննադատությանը:

«Սակայն Վարպետ Արան հետքայլ չարեց: Օրհան Փամուքի նման չընկրկեց թաղի ճնշումից ու խիստ պատասխանեց իրեն թիրախավորողներին»,- եզրափակում է Եսայանը:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։