ԱՄՆ-ում ձերբակալված թուրք գործարարին սպառնում է 75 տարվա ազատազրկում

Իրավական13:15, 23 Մարտ 2016

ԱՄՆ-ում ձերբակալված թուրք գործարարին սպառնում է 75 տարվա ազատազրկում

ԱՄՆ-ում ձերբակալվել է իրանական ծագումով թուրք գործարար Ռեզա Զարրաբը: Ամերիկյան դատախազությունը նրան մեղադրում է ԱՄՆ-ին խաբելով Իրանի դեմ պատժամիջոցները խախտելու, բանկային զեղծարարության և փողերի լվացման մեջ:

Թուրքական «Haberler» լրատվական կայքի տեղեկացմամբ՝ Զարրաբի դեմ հիմնական ապացույցը նրա նամակն է Իրանի կենտրոնական բանկի նախագահին՝ նշելով, թե Զարրաբ ընտանիքը պատրաստ է «տնտեսական ջիհադին»:

Նամակում թուրք գործարարը գրում է, որ Զարրաբ ընտանիքի բարոյական և ազգային պարտքն է Իրանի կրոնական առաջնորդի կողմից հայտարարված տնտեսական ջիհադի շրջանակներում հատուկ մեթոդներով հաղթահարել Իրանի նկատմամբ պատժամիջոցները:

Զարրաբը ձերբակալվել էր մարտի 21-ին Ֆլորիադայում, ուր մեկնել էր ընտանիքի հետ հանգստի: Դատարանը մերժել է նրան գրավի դիմաց ազատ արձակելու հայցը: Նրան սպառնում է 75 տարվա ազատազրկում:

Հիշեցնենք, որ Զարրաբը լայն շրջանակներին հայտնի է որպես Թուրքիայի նախագահ Ռեջեփ Թայիփ Էրդողանի հովանավորությունը վայելող անձ: 2013թ. դեկտեմբերի 17-ին Թուրքիայում բռնկված կոռուպցիոն սկանդալի և «Մեծ կաշառք» գործողության ժամանակ, ձերբակալվել էր նաև Զարրաբը: Բայց շուտով Էրդողանի փոխեց այդ գործով զբաղվող դատավորներին ու դատախազներին և արդյունքում Զարրաբը հայտնվեց ազատության մեջ։

Զարրաբի ձերբակալությունը քաղաքական մեծ արձագանք է ստացել Թուրքիայում, քանի որ դա կարող է նոր լիցք հաղորդել 2013-ի կոռուպցոիոն սկանդալին:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։