Թուրքիայում Հայաստանի քաղաքացի է սպանվել

Իրավական06:46, 25 Մարտ 2016

Թուրքիայում Հայաստանի քաղաքացի է սպանվել

Թուրքիայում Հայաստանի քաղաքացի է սպանվել: Թուրքական «Beyazgazete.com» կայքի տեղեկացմամբ՝ մարտի 23-ին Ստամբուլի Ֆաթիհ շրջանում վեճ է ծագել Հայաստանի քաղաքացի 49-ամյա Դրագոս Քարաօղլանօղլուի և 31-ամյա Հյուսեին Յ.-ի միջև: Վեճը վերածվել է քաշքշուքի, ինչի հետևանքով Հյուսեինը մերձիմահ ծեծի է ենթարկել Քարաօղլանօղլուին:

Կատարված հետաքննությամբ պարզվել է, որ Հայաստանի քաղաքացին Ստամբուլի Յեդիքուլե թաղամասում գտնվող իր տունը շահագործման է հանձնել Ֆաթմա Յ.-ին, ով մարմնավաճառությամբ է զբաղվելիս եղել: Դեպքի օրն իր տուն եկած Քարաօղլանօղլուն վիճել է Ֆաթմայի հաճախորդներից մեկի հետ, որն էլ հենց սպանել է նրան: Սպանվածը հաշմանդամ էր. ձախ ձեռքը կաթվածահար է եղել:

Ոստիկանության ձեռնարկած գործողության արդյունքում բերման են ենթարկվել և ձերբակալվել նախկինում այլ անձի առողջությանը դիտավորյալ վնաս հասցնելու համար դատապարտված Ֆաթմա Յ.-ն, նախկինում թմրանյութերի օգտագործման համար դատապարտված Հյուսեին Յ.-ն և նախկինում գողության համար դատապարտված 21-ամյա Ռասիմ Բ.-ն:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։