Թուրք պաշտոնյա. «Պատմական շինությունները պետականացվել են դրանց պահպանման նպատակով»

Իրավական14:00, 29 Մարտ 2016

Թուրք պաշտոնյա. «Պատմական շինությունները պետականացվել են դրանց պահպանման նպատակով»

Թուրքիայի հիմնադրամների գլխավոր վարչության տնօրեն Ադնան Էրթեմը պարզաբանումներ է տվել Դիարբեքիրի Սուր շրջանում բազմաթիվ շինությունների, այդ թվում` հայկական Սբ. Կիրակոս եկեղեցու շտապ պետականացման վերաբերյալ:

Էրթեմը, հայկական «Ակոս» թերթին տված պարզաբանման մեջ ասել է, որ Թուրքիայի նախարարների խորհրդի կողմից ընդունված շտապ պետականացման որոշումը «ՙուղղված չէ պատմական շենքերի ու քաղաքացիական ճարտարապետական գործերի դեմ»:

Թուրք պաշտոնյայի խոսքով՝ այդ որոշումը ուղղված է այդ շինությունների պահպանմանը: Ըստ Էրթեմի` որոշումը պատմական շինությունների շրջակայքում իրականացված ապօրինի կառուցապատումից ազատվելու իրավասություն է տալու, ինչը թույլ կտա ապահովել այդ շինությունների տեսանելիությունը:

Էրթեմը ավելացրել է նաև, որ պատմական շինությունների պետականացման իրավական գործընթացը շատ դժվար է լինելու:

Նշենք, որ 1376 թվականին կառուցված այս եկեղեցին համարվում է Մերձավոր Արեւելքի ամենամեծ եկեղեցիներից մեկը: Եկեղեցին վերանորոգվել է Ստամբուլում ապրող, բայց արմատներով դիարբեքիրցիհայերի ստեղծած «Սուրբ Կիրակոս հիմնադրամ»-ի միջոցներով (70%) և Դիարբեքիրի քաղաքապետարանիֆինանսական աջակցությամբ (30%): Սուրբ Կիրակոս եկեղեցին գրեթե 100-ամյա լքվածությունից հետո վերաբացվել էր 2012թ. նոյեմբերի 3-ին, ինչից հետո այն դարձել էր տեղի հայերին միավորող կարևորագույն կենտրոն:

Աղբյուր` Ermenihaber.am