Ստամբուլում արգելվել է ցույցեր և հավաքներ անցկացնել

Իրավական14:02, 29 Մարտ 2016

Ստամբուլում արգելվել է ցույցեր և հավաքներ անցկացնել

Ստամբուլի ոստիկանությունը արգելել է նահանգում և Ստամբուլում հավաքներ, ցույցեր անցկացնել, տաղավարներ ու վրաններ տեղադրել, քայլերթ կազմակերպել: Որոշումն ուժի մեջ կլինի մինչև ապրիլի 15-ը: Որոշման համար հիմք են ծառայել Մարդին նահանգի Նուսայբին շրջանում շարունակվող պարետային ժամը և Ստամբուլում ու Անկարայում ահաբեկչական հարձակումները: Այս մասին տեղեկացնող թուրքական «Demokrathaber» լրատվական կայքը ուշադրություն է հրավիրում այն հանգամանքի վրա, որ արգելքը համընկնում է քրդամետ «Ժողովուրդների դեմոկրատական կուսակցության» Ստամբուլի նահանգային կառույցի ժողովի ամսաթվի հետ, որ տեղի է ունենալու ապրիլի 10-ին:

Ստամբուլի ոստիկանական վարչության որոշմանն արձագանքել է «Ժամանակակից Իրավաբանների Միության» Ստամբուլի մասնաճյուղի ղեկավար Գյոքմեն Յեշիլը: Նրա կարծիքով ոստիկանության որոշումը ոչ մի իրավական հիմք չունի և, առհասարակ, ոստիկանությունը նման որոշում կայացնելու իրավասություն չունի:

«Ի վերջո Սահամանադրությունը և օրենքները ո՛չ ոստիկանության պետին, ո՛չ նահանգապետին և ո՛չ էլ որևէ մեկին այսպիսի բռնակալական իրավասություններ չեն տալիս»,-ասել է իրավաբանը:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։