Հայ պատգամավորը մեջլիսի օրակարգ է բերել Սբ. Կիրակոս եկեղեցու պետականացման հարցը

Հասարակական07:34, 30 Մարտ 2016

Հայ պատգամավորը մեջլիսի օրակարգ է բերել Սբ. Կիրակոս եկեղեցու պետականացման հարցը

Թուրքիայի Ազգային մեծ ժողովի (ԹԱՄԺ -TBMM) հայ պատգամավոր Գարո Փայլանը մեջլիսի օրակարգ է բերել Դիարբեքիրի Սուրբ Կիրակոս հայկական եկեղեցու պետականացման խնդիրը: Թուրքական ընդդիմադիր «T24» կայքի համաձայն՝ ընդդիմադիր «Ժողովրդադեմոկրատական» կուսակցության (ԺԴԿ-HDP) ներկայացուցիչ Փայլանը թեմայի վերաբերյալ իր գրավոր հարցերն ուղղել է վարչապետ Դավութօղլուին: Նա մասնավորապես պահանջել է պատասխանել հետևյալ հարցերին.

1. Ի՞նչ հիմնավորում ունի Դիարբեքիրի Սուր շրջանի վերաբերյալ ընդունված «հապճեպ պետականացման» որոշումը:

2. Ի՞նչ է տեղի ունենալու պետականացման ենթակա տարածքների հետ:

3. Սուր շրջանում բնակվող քաղաքացիների սեփականության իրավունքը ինչպե՞ս է պաշտպանվելու:

4. Արդյո՞ք ճիշտ է այն լուրը, որ պետականացման ենթակա վայրերի թվին են պատկանում նաև հայկական և ասորական հիմնադրամներին պատկանող և անգնահատելի հոգևոր արժեք ներկայացնող Միջին Արևելքի ամենամեծ հայկական եկեղեցին՝ Սուրբ Կիրակոսը, Սուրբ Սարգիս հայկական եկեղեցին, Մար Պետյուն քաղդեական եկեղեցին, ասորական Մարիամ Աստվածածին և Բողոքական եկեղեցին:

5. Խնդրո առարկա կառույցները, որոնց վերաբերյալ պետականացման որոշում է կայացվել, ի՞նչ չափանիշների համաձայն են դասվել կառավարության որոշման մեջ նշված «ռիսկային տարածքների» թվին:

6. Արդյո՞ք հասարակությանը ներկայացվելու են այն փաստաթղթերն ու հաշվետվությունները, որոնց համաձայն խնդրո առարկա եկեղեցիները դասվել են «ռիսկային տարածքների» թվին:

7. Ի՞նչ է լինելու խնդրո առարկա եկեղեցիների պետականացման արդյունքում: Ի՞նչ նպատակի են ծառայելու այս կառուցները այսուհետև:

8. Արդյո՞ք կարծում եք, որ փոքրամասնությունների հիմնադրամներին պատկանող եկեղեցիների և անշարժ գույքի պետականացումը համապատասխանում է ներքին օրենսդրությանն ու Լոզանի պայմանագրին:

9. Որպես մի կառավարություն, որը պարտավորվել էր վերադրաձնել փոքրամասնություններին պատկանող ողջ գույքը, արդյոք չե՞ք կարծում, որ այս քայլը հակասում է ձեր նախկին քաղաքականությանը:

Աղբյուր` Ermenihaber.am

Այս ենթաբաժնի վերջին նորությունները

14:50, 28 նոյ

Թուրքիայում կարգելվի 13 տարեկանից ցածր երեխաների մուտքը սոցցանցեր

աշվի առնելով միջազգային փորձը՝ Թուրքիան նպատակ ունի նվազագույնի հասցնել այն վտանգները, որոնք երեխաները կարող են հանդիպել սոցցանցերում։

17:35, 26 նոյ

Որո՞նք են Թուրքիայում ամենապահանջված մասնագիտությունները

Նշվում է, որ ամենապահանջված մասնագիտությունների ցանկը պարզելու համար կատարվել է 34.736 հարցում։

11:15, 26 նոյ

Քուրդ ռեժիսորի ֆիլմը Թուրքիայում բազմիցս զրկվել է ցուցադրվելու հնարավորությունից

Ստամբուլում մեկնարկած «Ոճիր և պատիժ ֆիլմի 14-րդ միջազգային փառատոնի» շրջանակներում 60 ֆիլմ է ցուցադրվել, որից միայն մեկն է եղել քրդերեն:

Ուղիղ խոսք

Անկարայում հարձակում TUSAŞ-ի վրա․ մանրամասներ և վերլուծություն

ամենաշատ ընթերցված

Էրդողանի նոր բանաձևը. «Եթե կա իսլամ, թուրք, քուրդ, արաբ, ուրեմն կա Թուրքիա»

Էրդողանը նշել է, որ իսլամը ծառայում է որպես թուրքերին, քրդերին, արաբներին և այլ էթնիկ խմբերին կապող ցեմենտ՝ կազմելով Թուրքիայում հասարակական միասնության հիմքը։

Թուրքիան Bayraktar անօդաչու թռչող սարքեր կմատակարարի Բոսնիա և Հերցեգովինային

Այդ մասին հայտնել է Բոսնիա և Հերցեգովինայի պաշտպանության նախարար Զուքան Հելեզը։

Թուրքիան իր S-400 համակարգը կարող է պատրաստ վիճակի բերել 12 ժամում

Նախարար Գյուլերը նշել է, որ S-400-ը կօգտագործվի միայն այն դեպքում, երբ օդային հարձակման սպառնալիքը հասնի շատ բարձր մակարդակի։

Թուրքիայի աջակցությունը վայելող զինյալները գրոհում են Հալեպը

Հաղորդվում է, որ հարձակումները հետ մղելու գործում ներգրավված են ռուսական ավիացիան և սիրիական կառավարական ուժերի հրետանին:

Ֆիդանը Պորտուգալիայում հանդիպել է Ալժիրի արտգործնախարարի հետ

Նախարարության «X»-ում կատարած գրառման մեջ նշվում է, որ հանդիպումը կայացել է «ՄԱԿ քաղաքակրթությունների դաշինքի 10-րդ համաշխարհային համաժողովի շրջանակներում»։