«Հրանտ Դինք» հիմնադրամը Թուրքիայում գրադարան է հիմնել

Մշակութային09:52, 30 Մարտ 2016

«Հրանտ Դինք» հիմնադրամը Թուրքիայում գրադարան է հիմնել

Թուրքիայում «Հրանտ Դինք» հիմնադրամը գրադարան է բացել: Ըստ Թուրքիայում հրատարակվող հայկական «Ակոս» թերթի կայքի` նախատեսվում է, որ գրադարանից հիմնականում կօգտվեն հայկական մշակույթի ու հայոց պատմության վերաբերյալ ուսումնասիրություն կատարող մասնագետները, ուսանողները, ինչպես նաև հայ համայնքի անդամները:

Գրադարանում և դրա արխիվում 20 հազար գրքերի ու պարբերականների հետ միասին առկա են բազմաթիվ տեսասկավառակներ և ձայնասկավառակներ, քարտեզներ և այլ աղբյուրներ: Նախատեսվում է գրադարանի ֆոնդը հարստացնել անձնական արխիվներով ու հավաքածուներով:

Նշվում է, որ ուսումնասիրողները հնարավորություն կստանան գրադարանում իրենց փնտրած, բայց չգտած գրքերի անունները գրացնել հատուկ մատյանում, ինչի արդյունքում այդ գրքերից շատերը կընդգրկվեն գրադարանի գրքաֆոնդի մեջ:

Գրադարանում գրանցված նյութերի ցուցակն ամբողջությամբ զետեղված է www.hrantdink.org կայքում:

Նշվում է, որ այցելուները ազատորեն կկարողանան օգտվել գրադարանի ողջ տպագիր ու թվային աղբյուրներից միայն գրադարանում: Նյութերը գրադարանից հանելու համար անհրաժեշտ կլինի լրացնել հատուկ թերթիկ, մեկ տարվա համար նվիրաբերել 100 թուրքական լիրա (35 $) և դառնալ գրադարանի անդամ:

Նշվում է, որ գրադարանը որպես նվիրատվություն կընդունի Թուրքիայի փոքրամասնությունների, հայոց պատմության ու մշակույթի, հայերեն լեզվի ու գրականության մասին գրքեր ու արխիվային նյութեր:

Աղբյուր` Ermenihaber.am

Այս ենթաբաժնի վերջին նորությունները

18:05, 20 նոյ

Կարսի մարզպետարանը բարեկարգում է Անիի ավերակներ տանող ճանապարհը

հայոց միջնադարյան մայրաքաղաքը շարունակում է մեծ ուշադրության արժանանալ տեղացի ու օտարերկրյա զբոսաշրջիկների կողմից։

14:22, 18 նոյ

Թուրքական թատերական խմբակը Երևանում հանդես եկավ սարոյանական ներկայացմամբ (Տեսանյութ)

Թատերական խմբակի ղեկավար Էրթյուրք Էրքեքը ներկայացման վերջում պատասխանել է հանդիսատեսի հարցերին։

10:15, 07 նոյ

Ղրղզստանի մայրաքաղաքում թուրքական մշակույթի կենտրոն է բացվել

«Մենք այստեղ ենք՝ ներկայացնելու մեր լեզուն, մշակույթը և կիսելու մեր ընդհանուր ժառանգությունը»,-ասվել է Յունուս Էմրեի անվան համալսարանի սոցցանցյան գրառման մեջ։