Շրջիկ մեքենաները Վաշինգտոնի փողոցներում գովազդում են Էրդողանին

Հասարակական07:40, 01 Ապրիլ 2016

Շրջիկ մեքենաները Վաշինգտոնի փողոցներում գովազդում են Էրդողանին

Թուրքիայի իշխող «Արդարություն և զարգացում» կուսակցությունը (ԱԶԿ-AKP) երկրի նախագահ Ռեջեփ Թայիփ Էրդողանին գովազդելու աննախադեպ տարբերակ է գտել: Ինչպես տեղեկացնում է թուրքական ընդդիմադիր «Sozcu» թերթի կայքը, Միջուկային անվտանգության գագաթնաժողովին մասնակցելու նպատակով ԱՄՆ-ում գտնվող Էրդողանին մեծարելու համար ԱԶԿ-ականները գործի են դրել «շրջիկ գովազդի» տարբերակը:

Վաշինգտոնի փողոցներում շրջող մեքենայի վրա տեղադրված էկրանին տեղ են գտել Էրդողանին գովերգող թուրքերեն և անգլերեն արտահայտություններ՝ հետևյալ բովանդակությամբ. «Մենք սիրում ենք նախագահ Էրդողանին», «Ճշմարտություն + խաղաղություն = Էրդողան», «Շնորհակալություն Ձեզ՝ սիրիացի փախստականներին աջակցելու համար, նախագահ Էրդողան»: Էկրանին պարբերաբար ցուցադրվել է նաև Թուրքիայի դրոշը:

Վաշինգտոնի բնակիչներն այս արտասովոր գովազդի տեսագրությունն ու լուսանկարները տեղադրել են ինտերնետում: Իսկ Twitter-ի օգտատերերի շրջանում թեմայի վերաբերյալ ամենահաճախ հանդիպող մեկնաբանությունը եղել է. «անհավատալի է…» արտահայտությունը:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։