Էրզրում նահանգում հայկական Սուրբ Մինասը վերանորոգման կարիք ունի

Հասարակական09:36, 08 Ապրիլ 2016

Էրզրում նահանգում հայկական Սուրբ Մինասը վերանորոգման կարիք ունի

Թուրքիայի Էրզրում նահանգի Գեզ գյուղի հայկական Սուրբ Մինաս եկեղեցին լքված է և խնամքի կարիք ունի: Այս մասին հայտնում է «Ակոս»՝ շաբաթաթերթը հղում անելով եկեղեցու սեփականատեր Սաբրի Էրգինի խոսքերին:

Էրգինը, որն այժմ բնակվում է Գերմանիայում, հայտնում է, որ եկեղեցին և հարակից հողատարածքը ժառանգություն է մնացել ծնողներից: Նրա խոսքերով եկեղեցին, որը շուրջ համայնք չլինելու պատճառով չի գործում, խնամքի և վերանորոգման կարիք ունի:

Ըստ Էրգինի՝ նա եկեղեցու վերակառուցման համար դիմել է մի շարք կառույցների, սակայն դեռևս ոչ մեկից դրական պատասխան չի ստացել:

Էրգինը հայտնել է, որ եկեղեցին մեծ նշանակություն է ունեցել իր մոր համար, որն ամեն ջանք գործադրել է եկեղեցու պահպանության համար: Խոսելով մոր երազանքի մասին՝ Էրգինն ասել է. «Մայրս ցանկանում էր, որ այն ծառայի ժողովրդին որպես մշակութային կենտրոն կամ գրադարան ու դառնա հայ և թուրք ժողովուրդների խաղաղության խորհրդանիշը»:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։