Գերմանիայում դատական գործընթաց կսկսեն Էրդողանին ծաղրած երգիծաբանի նկատմամբ

Իրավական07:07, 16 Ապրիլ 2016

Գերմանիայում դատական գործընթաց կսկսեն Էրդողանին ծաղրած երգիծաբանի նկատմամբ

Գերմանիայում որոշել են բավարարել Թուրքիայի կառավարության դիմումը, թույլատրելով դատական գործընթաց սկսել երկրում հայտնի երգիծաբան Յան Բյոհմերմանի դեմ: Ավելի վաղ նա Թուրքիայի նախագահ Ռեջեփ Թայիփ Էրդողանի մասին ծաղրական բանաստեղծություն էր կարդացել գերմանական «ZDE» հեռուստաալիքի Neo Magazin Royale հաղորդաշարի եթերում:

Ըստ թուրքական «Doğan» լրատվական գործակալության` այս որոշման մասին հայտարարել է անձամբ Գերմանիայի կանցլեր Անգելա Մերկելը:

Մերկելը միաժամանակ նշել է, թե իրենք շարունակում են Թուրքիային զգուշացնել այն մասին, որ այդ երկրում դատական համակարգի անկախությունը, մամուլի ազատությունը և օրենքի գերակայությունը պետք է լինի այնպես, ինչպես մնացած դեմոկրատական երկրներում է:

Մերկելն ավելացրել է նաև, որ Գերմանիայի կառավարության կողմից Բյոհմերմանի դեմ դատական գործընթաց սկսելու թույտվություն տալը դեռ չի նշանակում, որ նա մեղավոր է:

«Վերջին խոսքը կասի անկախ դատարանը»,- նշել է կանցլերը:

Հիշեցնենք, որ Թուրքիայի կառավարությունը Գերմանիայի արտգործնախարարությանը բանավոր նոտա էր հղել` պահանջելով իրավական գործընթաց սկսել նախագահ Ռեջեփ Թայիփ Էրդողանի մասին ծաղրական երգ պատրաստած գերմանացի երգիծաբան Յան Բյոհմերմանի դեմ:

Գերմանիայի Մայնց քաղաքի դատախազությունը նախորդ շաբաթ Բոհմերմանի դեմ հետաքննություն էր սկսել «օտարազգի քաղաքական գործչին վիրավորելու» հոդվածով, սակայն դատավարություն սկսելու համար անհրաժեշտ էր «տուժող» պետության բողոքը և գերմանական կառավարության թույլտվությունը:

Աղբյուր` Ermenihaber.am

Այս ենթաբաժնի վերջին նորությունները

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։

13:07, 20 նոյ

ԱՄՆ-ն պատժամիջոցներ է սահմանել Թուրքիայում գտնվող ՀԱՄԱՍ-ի անդամների դեմ

ԱՄՆ-ի ֆինանսների նախարարությունը հրապարակել է Պաղեստինի Գազայի հատվածում իշխող «ՀԱՄԱՍ» խմբավորման անդամների նոր ցուցակ, ովքեր հայտնվել են պատժամիջոցների տակ։