Թուրք երգչուհին պատասխանել է «եռագույն» զգեստի համար իրեն վիրավորող ադրբեջանցիներին

Հասարակական08:35, 18 Ապրիլ 2016

Թուրք երգչուհին պատասխանել է «եռագույն» զգեստի համար իրեն վիրավորող ադրբեջանցիներին

Թուրք երգչուհի և հաղորդավարուհի Հադիսե Աչքըգյոզը պատասխանել է ադրբեջանական մամուլում իրեն ուղղված քննադատություններին ու վիրավորանքներին:

Թուրքական «Haber7.com» լրատվակայքի տեղեկացմամբ՝ սոցցանցերում կատարած գրառմամբ երգչուհին նշել է, որ սովորաբար չի արձագանքում իր հասցեին հնչեցված խոսքերին և նախընտրում է լռել, քան տգետների հետ տգիտանալ: Դիմելով մասնավորապես «իր թուրքական ինքնության վերաբերյալ անհիմն մեկնաբանություններ անող փոքրոգի մարդկանց», Հադիսեն գրել է.

«Դուք չեք կարող մենաբանել իմ հագած զգեստը ձեր անմիտ, անմարդկային, հիվանդագին երևակայության ուժով»:

Թուրք երգչուհին իրեն վիրավորող ադրբեջանցիներին նաև հետևյալ տողերն է ձոնել.

«Մի խաբվիր տգետի դատարկ խոսքերին,
Հետամնացը տեղով կեղծիք է,
Թե աշխարհի չորս կողմին էլ տիրի,
Միտքը, թիրախը, ուղին կեղծիք է»:

Հիշեցնենք, որ օրեր առաջ Թուրքիայում ընթացող «Մանկական ձայն» երաժշտական մրցույթի ժամանակ Հադիսե Աչըքգյոզի կրած զգեստի նարնջագույն, կապույտ, կարմիր գունային հորիզոնական շերտերը ադրբեջանցիները նմանեցրել էին հայկական եռագույնին:

Զգեստը դարձել էր ադրբեջանական մամուլի օրակարգային թեման, իսկ սոցցանցերը ողողվել էին երգչուհուն ուղղված վիրավորական ու քննադատական հայտարարություններով:

Աղբյուր` Ermenihaber.am

Այս ենթաբաժնի վերջին նորությունները

12:22, 25 նոյ

Թուրքիայի բնակչության 54 տոկոսը մեկ և ավելի օտար լեզվի է տիրապետում

Եվրոպայի վիճակագրական ինստիտուտն իրականացրած հետազոտույթունների արդյունքների հիման վրա կազմել է օտար լեզուներ իմացող բնակչությամբ երկրների ցանկը։

14:11, 22 նոյ

Թուրքիան գործարկել է սեփական արտադրության առաջին քվանտային համակարգիչը

Քվանտային համակարգիչները կբարձրացնեն Թուրքիայի մրցունակությունը ռազմարդյունաբերությունից մինչև ֆինանսական տեխնոլոգիաներ:

11:59, 22 նոյ

Թուրքիան ներառված չէ այն երկրների ցանկում, որտեղ Իսրայելի վարչապետը չի կարող մեկնել

Միջազգային քրեական դատարանն Իսրայելի վարչապետին և նախկին պաշտպանության նախարարին «պատերազմական հանցագործության» մեղադրանքով ձերբակալելու որոշում էկայացրել։