ԱՄՆ-ը կրկին զգուշացրել է իր քաղաքացիներին Թուրքիայում հնարավոր ահաբեկչության մասին

Տարածաշրջան09:33, 27 Ապրիլ 2016

ԱՄՆ-ը կրկին զգուշացրել է իր քաղաքացիներին Թուրքիայում հնարավոր ահաբեկչության մասին

ԱՄՆ-ը Թուրքիայում գտնվող իր քաղաքացիներին զգուշացրել է զբոսաշրջային նշանակության վայրերում հնարավոր ահաբեկչության մասին:

Ըստ թուրքական «Akşam» թերթի կայքի` Անկարայում ԱՄՆ-ի դեսպանատունը Թուրքիայում գտնվող իր քաղաքացիների էլ. փոստերին «շտապ հաղորդագրություն» վերնագրով ուղարկած նամակում հորդորել է հեռու մնալ Թուրքիայի զբոսաշրջային վայրերից:

Նամակում նշվել է, որ դեսպանատունը շարունակում է տեղեկություններ ստանալ առ այն, որ ահաբեկիչները հարմար առիթ են փնտրում Թուրքիայի հայտնի զբոսաշրջային վայրերից մեկում հարձակում կազմակերպելու համար: Նամակում նշվել է, որ ահաբեկիչները թիրախավորում են Թուրքիայում գտնվող օտարազգի զբոսաշրջիկներին:

Նշենք, որ ԱՄՆ-ի դեսպանատումը նմանատիպ զգուշացումներ էր ուղարկել իր քաղաքացիներին Նովրուզի տոնակատարություններից, ինչպես նաև մարտի 13-ին Անկարայում տեղի ունեցած ահաբեկչական պայթյունից առաջ:

Աղբյուր` Ermenihaber.am

Այս ենթաբաժնի վերջին նորությունները

13:45, 29 ապր

Բացվել է Թուրքիայի 2-րդ ամենամեծ օդանավակայանը

Անթալիայի օդանավակայանը կարող է տարեկան սպասարկել շուրջ 82 մլն ուղևորի։

13:30, 28 ապր

Անկարան քուրդ զինյալներին սպառնում է ռազմական գործողություններով

Ֆիդան․«Ինչպես «Իսլամական պետություն» ահաբեկչական կազմակերպությունըդուրս եկավ ասպարեզից, այնպես էլ PKK-ն դուրս կգա: Կա՛մ իր կամքով՝ խաղաղության մեջ, կա՛մ այլ կերպ»։