Միջազգային10:08, 28 Ապրիլ 2016
Թուրք նախարարի կարծիքով՝ Թուրքիայի զբոսաշրջությանն ամենաշատը վնասել է Ֆրանսիայի նախագահը
Թուրքիայի մշակույթի և զբոսաշրջության նախարար Մահիր Ունալը հայտարարել է, որ երկրում զբոսաշրջությանն ամենամեծ վնասը հասցրել է Ֆրանսիայի նախագահ Ֆրանսուա Օլանդը: Թուրքական ընդդիմադիր «T24» լրատվակայքի տեղեկացմամբ՝ Ունալը մասնավորապես ասել է.
«Ոչ ոք այս հանգամանքին ուշադրություն չի դարձրել, բայց Օլանդը մի առիթով հայտարարել է, թե Թուրքիայի և Ռուսաստանի միջև պատերազմ կարող է ծագել: Դա չափազանց մեծ վնաս հասցրեց մեր զբոսաշրջությանը:
Հանրապետության նախագահի կողմից նման հայտարարությունն արվում է հենց այն ժամանակ, երբ զբոսաշրջիկները ամրագրումներ էին անում: Օլանդի այս հայտարարությունից հետո մեր թուրքական ամրագրումների թիվը կտրուկ նվազեց»:
Նախարար Ունալն ընդգծել է, որ ինքն Անկարայում Ֆրանսիայի դեսպանի ուշադրությունն է հրավիրել այդ հանգամանքի վրա: Ունալը քննադատել է նաև «որոշ ներքին քաղաքական գործիչների և մամուլի ներկայացուցիչների, որոնք ասում են, թե Թուրքիան անվտանգ երկիր չէ»:
Մասնավորապես նկատի է ունեցել ընդդիմադիր «Ժողովրդահանրապետական» կուսակցության (ԺՀԿ-CHP) նախագահ Քեմալ Քըլըչդարօղլուի հետևյալ արտահայտությունը. «Թուրքիան մի երկիր է, որտեղ ռումբեր են պայթում, այստեղ զբոսաշրջիկ կգա՞»:
Այս ենթաբաժնի վերջին նորությունները
Հանդիպումը կկայանա ապրիլի 18-ին 13 երկրների խորհրդարանների նախագահների մասնակցությամբ։
Հանդիպմանը կողմերը կքննարկեն երկու երկրների դիվանագիտական ներկայացուցչությունների աշխատանքերի վերսկսման հարցը։
Նշվում է, որ 2100 թվականին աշխարհի ամենաշատ բնակչություն ունեցող երկրները կլինեն Աֆրիկայից։
Ուղիղ խոսք
Անկարայում հարձակում TUSAŞ-ի վրա․ մանրամասներ և վերլուծություն
ամենաշատ ընթերցված
Թուրքիայի արտգործնախարար. «Պետք է բախում չենթադրող փոխադարձ մեխանիզմ ստեղծվի այնպես, ինչպես դա արել ենք ԱՄՆ-ի և Ռուսաստանի հետ»:
Նիստին անձամբ մասնակցելու է Թուրքիայի նախագահ Ռեջեփ Թայիփ Էրդողանը:
Օդանավակայանում գործարկված նոր համակարգով կարելի է միաժամանակ թռիչքներ ու վայրէջքներ իրականացնել բոլոր թռիչքուղիներով:
Թուրքիայում գործող մերձիշխանական թերթում հոդված է հրապարակվել, որում գլխավոր ընդդիմադիր ուժը համարվող ԺՀԿ-ն մեղադրվում է ներքին խարդավանքների մեջ:
Հարցվածների 32%-ը նշել է, որ չի վստահում որևէ հեռուստաալիքի։
Օրացույց
Հարցումներ
Այս տարի կբացվի՞ հայ-թուրքական սահմանը 2 երկրների քաղաքացիների համար:
արտարժույթ
| EUR | TRY | USD |
| 549.84 | 90.05 | 485.12 |